३० आषाढ २०८१, आइतबार
14-07-2024 , Sun
×

सगरमाथा माविमा वृहत् प्रदर्शनी, प्रतिभाको संरक्षण गर्न आर्थिक कोष

Logo
न्यूजमधेश प्रकाशित बिहिबार, माघ २५, २०८०

सिरहा । मिर्चैयामा अवस्थित सगरमाथा माध्यमिक विद्यालयमा ‘ग्राण्ड एक्सिबिशन एण्ड इसीए कम्पेटिशन–२०८०’ सुरु भएको छ । यो कार्यक्रम विद्यालयमा बुधबारदेखि सुरु भएको हो ।

यो कार्यक्रम माघ २७ र फागुन १ बाहेक सरस्वती पुजाको दिन अर्थात् फागुन २ गतेसम्म चल्नेछ । कार्यक्रममा खेल, संस्कृति, कला, विज्ञानलगायत विभिन्न विद्यामा विद्यार्थीहरुले आफ्ना प्रदर्शनी देखाउँनेछन् ।

विद्यार्थीभित्र रहेका प्रतिभा प्रष्टफुटन गर्ने, प्रतिभाको पहिचान गर्ने उद्देश्यले यो कार्यक्रम आयोजना गरिएको विद्यालयले जनाएको छ । यस्तो कार्यक्रमले विद्यार्थीलाई सिर्जनशील बनाउने र परिपक्व बनाउँदै लैजाने विश्वास विद्यालयको छ ।

यससँगै विद्यालयले सामाजिक उत्तरदायित्व कोष पनि खडा गर्ने भएको छ । विद्यालयभित्र र समाजमा रहेर विभिन्न क्षेत्रमा राम्रो गर्न खोज्ने प्रतिभावान व्यक्तिहरुलाई संरक्षण र सहयोग गर्न उक्त कोष खडा गर्न लागिएको हो ।

यसका लागि विद्यालयले विद्यार्थीसँग नामांकनका बेला प्रवेश शुल्क २० रुपैयाँ लिने र त्यो रकम विद्यालयले नराखी उक्त कोषमा जम्मा गर्ने विद्यालयले योजना बनाएको छ । यस कोषबाट आर्थिक समस्यामा पर्ने विद्यार्थी, सामाजिक रुपान्तरणमा लागेका व्यक्तिहरु लाभान्वित हुनेछन् ।

कार्यक्रमको सम्बोधन गर्दै मिर्चैया नगरपालिकाका नगरप्रमुख श्रवणकुमार यादवले विद्यालयको यो प्रयासलाई सराहना गरेका छन् । उनले यस्तो प्रयासबाट सबैले सिक्नुपर्ने र सबै मिलेर देश बनाउनुपर्ने धारणा व्यक्त गरे ।

उद्घाटन कार्यक्रममा नगरप्रमुख यादवसहित, उपप्रमुख जिवछी देवी साह, कर्जन्हा नगरपालिकाकी नगरप्रमुख लक्ष्मी श्रेष्ठ, सञ्चालक प्रदीप तिवारीसहित विभिन्न बैंक र संस्थाका प्रतिनिधि, स्थानीय बुद्धिजीवी, अभिभावक लगायतको सहभागिता रहेको थियो ।

कमेन्ट गर्नुहोस्
सम्बन्धित

अमेरिका । अमेरिकी रिपब्लिकन पार्टीद्वारा पेन्सिल्भेनिआमा आयोजित र्‍यालीमा गोली प्रहार हुँदा रिपब्लिकन पार्टीका तर्फबाट राष्ट्रपतीय निर्वाचनका उम्मेदवार तथा भूतपूर्व अमेरिकी राष्ट्रपति डोनाल्ड ट्रम्प घाइते हुनुभएको छ । उहाँको कानबाट रगत आएको देखिएको छ । उहाँको हत्या गर्ने उद्देश्यले भएको ठानिएको उक्त घटनालगत्तै ट्रम्पलाई उक्त स्थानबाट बाहिर निकालिएको छ । उक्त घटनापछि ट्रम्पले आफ्नो दायाँ कानमा […]

काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति गर्दै हुनुहुन्छ । संसद्को सबैभन्दा ठूलो दल नेपाली कांग्रेसको समर्थनमा प्रधानमन्त्रीमा दाबी गर्नुभएका नेपाल कम्युनिष्ट पार्टी (एमाले) का अध्यक्ष केपी शर्मा ओली अपराह्न ५ बजेपछि प्रधानमन्त्रीमा नियुक्त हुनुहुने भएको छ । राष्ट्रपतिको आह्वानअनुसार एमालेका अध्यक्ष ओलीले कांग्रेसको समर्थनमा प्रधानमन्त्रीका लागि […]

काठमाडौँ । बूढानीलण्ठ नगरपालिका– १२, कपन फैँकाकी नीरा कोइराला उमेरले ५१ वर्ष पुग्नुभयो । उहाँ ओखलढुङ्गाको रातमाटेमा जन्मिनुभएको हो । सानोमा उहाँले विद्यालय टेक्नै पाउनुभएन । “छोरी मान्छेको जात अरुको घर जाने हो किन पढ्नुपर्‍यो भन्ने चलन थियो”, उहाँले भन्नुभयो, “पढ्ने उमेर घाँसपात मेलापात गर्दैमा बित्यो । बिहेपछि छोराछोरी हुर्काउँदै ठिक्क भइयो ।” उहाँका चार […]