०२ साउन २०८१, बिहिबार
18-07-2024 , Thu
×

दुर्घटना न्यूनीकरण गर्न पुलमा लाग्यो सुरक्षा पर्खाल

Logo
न्यूजमधेश प्रकाशित आइतबार, माघ २८, २०८०

विपिन यादव
जनकपुरधाम । इलाका प्रहरी कार्यालय (इप्रका) यदुकुहाको पहलमा दुर्घटना न्यूनीकरण गर्न सडक पुलमा सुरक्षा पर्खाल लगाइएको छ । रातिका बेला भिजिबिलिटी कम हुँदा सम्भावित सडक दुर्घटना न्यूनीकरण गर्न सडक पुलमा सुरक्षा पर्खाल लगाइएको हो ।

इलाका प्रहरी कार्यालय यदुकुहाका निरीक्षक चन्द्रकिशोर साहले यदुकुहा–कमला सडकमा रहेको पुलबाट सवारीसाधर्न र ससाना बालबालिकाहरू झर्ने अत्यधिक जोखिम हुँदा सिँचाइ व्यवस्थापन कार्यालय पोर्ताहासँग समन्वय गरी इप्रका नजिकको पुलमा सुरक्षा पर्खाल लगाइएको जानकारी दिए ।

सुरक्षा पर्खाल लगाइएको पुल कमला सिँचाइको पश्चिम नहरप्रणाली सुचारु हुने एउटा संरचना हो । पुलमा सुरक्षा पर्खाल लगाइएपछि यात्रा सहज तथा जोखिमरहित हुने विश्वास गरिएको छ ।

सडक दुर्घटना न्यूनीकरण गर्न यदुकुहा प्रहरीले नियमित कामसँगै साइकल, ठेलागाडी, ट्रिपर, लामो तथा छोटो दुरीका सवारीसाधनमा समेत रिफ्लेक्टिभ स्टिकर टाँस गर्ने योजना अघि बढाएको निरीक्षक साहले बताए ।

इप्रका यदुकुहाले आफू बचौँ र अरूलाई बचाउँ भन्ने अभियानअन्तर्गत मोटरसाइकल चालकलाई समेत सवारी चलाउँदा ध्यानदिनु पर्ने कुरा, सवारी दुर्घटनाबाट बच्ने उपाय, ट्राफिक नियमसम्बन्धी आवश्यक तथा महत्वपूर्ण जानकारी फिल्डमै दिँदै आएको छ ।

जाडोयाममा हुस्सुकुहिरो लागेका बेला सवारीसाधन चलाउँदा अपनाउनुपर्ने सावधानीका विषयमा सन्देश साझा गर्नुका साथै बढी दुर्घटना हुने क्षेत्रमा डिभाइडर राखेर आवगमनलाई सहज बनाइएको छ ।

बढ्दो सवारी दुर्घटना न्यूनीकरणका लागि सवारी चालकलाई गाडी चलाउँदा सिटबेल्ट र हेलमेटको अनिवार्य प्रयोग, मादक पदार्थ तथा नशाजन्य चिजवस्तु सेवन गरी सवारीसाधन नचलाउन, तीव्र गतिमा सवारीसाधन नचलाउन आदि एक मिनेट सचेतनामूलक सन्देश दिने काम भइरहेको प्रहरी निरीक्षक साहले जानकारी दिए ।

बढी दुर्घटना हुने स्थान पहिचान गरी न्यूनीकरणका उपाय, सचेतना र लेन अनुशासन तथा डिभाइडर राख्ने कामलाई पनि निरन्तरता दिँदा यदुकुहा क्षेत्रमा सवारी दुर्घटनामा कमी आएको छ ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]