राजबिराज । सप्तरीमा अबैध रूपमा राखिएको सत्तरी बोरा मटर बरामद गरेको छ । सोमबार सप्तरीको हनुमाननगर कंकालिनि नगरपालिका १४ रामपुराबाट सत्तरी बोरा मटर प्रहरीले बरामद गरेको हो ।
पहेलो मटर नेपालबाट भारत तर्फ अबैध रुपमा निर्यात गर्नको लागि हनुमाननगर कंकालिनि १४ रामपुरा बस्ने बर्ष ३५ को विनोद यादव र सोही ठाउँ बस्ने बर्ष ३८ को हरी प्रसाद यादवको घरमा लुकाई छिपाई राखेको एक हजार सात सय ५० केजि नियन्त्रणमा लिएको थियो ।
विशेष सूचनाको अधारमा जिल्ला प्रहरी कार्यालयका टोलीबाट प्र.नि. प्रकाश बस्नेतको कमाण्डले उक्त परिमाणको मटर नियन्त्रणमा लिएको थियो ।
प्रहरीको अनुसार बिनोद यादवको घरबाट पहेलो मटर २५ के.जी. को ३० बोरा र हरी प्रसाद यादवको घरबाट पहेलो मटर २५ के.जी. को ४० बोरा गरी जम्मा ७० बोरा बरामद गरिएको छ । यसैगरी पहेलो मटर बरामद गरी आवश्यक कारबाहीको लागि सप्तरी स्थित भन्सार बुझाईएको जनाएको छ ।
