०६ आषाढ २०८१, बिहिबार
20-06-2024 , Thu
×

पत्रकार आजादको सुरक्षाको विषय संसदमा उठ्यो

Logo
न्यूज मधेश प्रकाशित मंगलबार, चैत्र २०, २०८०

काठमाडौं । मदिरा तस्करी र राजस्व छलीको पर्दाफास गरेका कान्तिपुर टेलिभिजनका सिरहाका पत्रकार विनय आजादको सुरक्षाको विषय संसदमा उठेको छ ।

जनमत पार्टीका सांसद अब्दुल खानले मंगलबार प्रतिनिधिसभा बैठकमा बोल्दै साहसिक रिपोर्टिङ गरेका पत्रकार आजादलाई राज्यले संरक्षण गर्नुपर्नेमा प्रहरीकै रोहबरमा तस्करहरूले आक्रमण गर्ने योजना बनाएको भन्दै सरकारमाथि प्रश्न उठाएका हुन् ।

पत्रकार आजादले गत चैत ४ गते सिरहाको गोलबजार नगरपालिका-९ मा अवस्थित मदिरा उत्पादक कम्पनी शारदा डिस्टिलरी उद्योगले आन्तरिक राजस्व विभागको एउटै स्टिकरलाई दुई-तीन टुक्रा पारी दैनिक लाखौं राजस्व छली गर्दै आएको र दैनिक झण्डै एक करोडको ती अवैध मदिरा भारत तस्करी गर्दै आएको विषय पर्दाफास गरेका थिए ।

सोही विषयमा गत चैत ८ गते नेपाल प्रहरीका सई अमित राईको रोहबरमै तस्करहरूले पत्रकार आजादमाथि आक्रमण गर्ने योजना बनाएका थिए । यस विषयमा नेपाल पत्रकार महासंघ जिल्लादेखि केन्द्रसम्मको कार्यसमितिले विज्ञप्ति निकाले पनि संलग्नहरूलाई कारवाही नहुनुमा उनले शंका व्यक्त गरे ।

राजस्व छली र मदिरा तस्करी प्रकरणमा प्रहरी, प्रशासन र आन्तरिक राजस्वका कर्मचारीहरूको मिलेमतो स्पष्ट भइसकेको भएपनि उनीहरूमाथि अनुसन्धान हुन नसकेको र यो समाचारपछि पक्राउ परेकाहरू रिहा भइरहेको, घटनाको ढाकछोप गर्ने प्रयत्न भइरहेको भन्दै उनी सरकार नै गिरोहतन्त्रको संरक्षक रहेको आरोप लगाए ।

कमेन्ट गर्नुहोस्
सम्बन्धित

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]

राजविराज । मधेश प्रदेशका पूर्व शिक्षा तथा संस्कृति मन्त्री महेश प्रसाद यादवले सामुदायिक शिक्षालाई सुधार्न सबैले समान व्यबहार अपनाउनुपर्ने बताएका छन् । सप्तरीको रुपनी गाउँपालिकाको पाँचौ गाउँसभाको बुधबार उद्घाटन गर्दै यादवले सामुदायिक विद्यालयलाई सुधार्न समाजका अगुवा सबैले आफ्ना सन्तानलाई सामुदायिक विद्यालयमै भर्ना गर्नुपर्ने बताए । ‘सामुदायिक विद्यालयमा सबैले आफ्ना सन्तान पढाउन दिएर हेरचाह गरे सामुदायिक […]