जनकपुरधाम । धनुषा निर्माण व्यवसायी संघको नयाँ नेतृत्व छनौटका लागि भोलि निर्वाचन हुन गइरहेका छन् । आठ वटा पदमा भोलि उद्योग बाँणिज्य संघको परिसरमा बिहान ८ बजेदेखि मतदान सुरु हुने निर्वाचन अधिकृत कामेश्वर झाले जानकारी दिए ।
उनका अनुसार बिहान ८ बजेदेखि बेलूका ५ बजेसम्म मतदानको लागि समय निर्धारण गरिएको छ । जम्मा ११ सदस्य टीममा दुईजना निर्विरोध निर्वाचित भएका छन् भने ‘ग’ वर्गमा उम्मेदवारी परेको छैन् । उम्मेदवारी नपरेको पदमा कार्यसमितिको निर्णय अनुसार एकजनालाई अध्यक्षले मनोनित गर्नेछ ।
अध्यक्षमा रमेश कुमार यादव, जगदिश महासेठ र अशोक चौधरीले उम्मेदवारी दिएका छन् । अध्यक्षमा तीनजना उम्मेदवार भएपनि मुख्य प्रतिस्पर्धा यादव र चौधरी बीच हुने आकलन धनुषा निर्माण व्यवसायीहरुका छन् । चौधरी यसअघि अध्यक्षमा निर्वाचित भएका थिए भने यादव महासचिवमा । यसपालि अध्यक्ष पदका लागि दुबैजना आमनेसामने भएका छन् । तर यसपट नेतृत्व फेर्ने मूडमा यहाँका व्यवसायीहरु छन् ।
चौधरीले चलाएको कार्यकाल हेरिसकेका छौं, उनले आफ्नो दुईवर्षको कार्यकाल लम्बाइएर पाँच वर्षसम्म अध्यक्षमा आसिन मात्रै रहे । निर्माण व्यवसायको भवन बाहेक व्यवसायीको हकहितमा त्यस्तो कुनै ठोस कार्य नगरेको एक निर्माण व्यवसायी बताउँछन् ।
उनले भने ‘उनी उम्मेरको हिसावले पनि ५० पार गरिसकेका छन् । त्यसैले यसपटक व्यवसायीहरु नेतृत्व परिवर्तन गरी युवालाई नेतृत्वमा ल्याउन चाहेका छन् । दुईजना अधबैंसे उम्मेदवारको बीचमा उम्मेदवारी दिएका छन् रमेश कुमार यादव । हामी व्यवसायीहरुको रोजाइमा रमेश यादव परेका छन् ।’
विगतमा महासचिव बनेर व्यवसायीहरुको बीचमा रहेर गरेको कामका हिसावले पनि रमेश यादव व्यवसायीहरुको पहिलो राजाइँमा परेका छन् । बजारमा चर्चा र व्यवसायीहरुले नेतृत्व परिवर्तनका लागि गरेका अठोट कारण नै रमेश दुई अधबैंसे उम्मेदवारलाई उच्चालेर एक नम्बरमा पुगेका छन् ।
विद्यान अनुसार एकचोटी छनौट भएर आएका टीमको कार्यकाल दुईवर्ष हुनेछ । यद्दपि यो निर्वाचन पाँच वर्षपछि हुदैछ । यसअघि २०७५ साल माघ महिना निर्वाचन भएको थियो ।
निर्वाचन अधिकृत कामेश्वर झाका अनुसार कुल मतदाता ५ सय ९५ रहेको छ।
