सप्तरी । अनिश्चितकालीन रिले अनसनमा बसेका कोशी पीडतहरुका माग बेवास्ता गरीएका कारण ३३ दिन देखि कोशी ब्यारेजमा अनशन जारी रहेको छ ।
३२ साउनदेखि रिले अनशन सुरु गरेका पीडितहरु एक महिना बितिसक्दा पनि सरकारले बेवास्ता गरेको भन्दै कोशी पीडतहरुले बुधबार आन्दोलनका नयाँ कार्यक्रमसहित प्रधानमन्त्रीलाई ज्ञापन पत्र पठाएका छन् ।
कोसी नदी कटान–डुबानपीडित संघर्ष समिति सप्तरी, सुनसरी र उदयपुरको अगुवाइमा पूर्वी कन्ट्रोल रुमआगाडि किसानको रिले अनशन संघर्ष समितिका अध्यक्ष महिदेव चौधरीको अगुवाईमा प्रमुख जिल्ला अधिकारी सुनिल खनाल मार्फत प्रधानमन्त्रीलाई ज्ञापन पत्र बुझाएको हो ।
तीन बुँदे माग राखि विगत ३३ दिनदेखि बसेका अनशनका संघर्ष समितिका अनुसार ९ असोजदेखि अनिश्चितकालीन आमरण अनसन तथा धर्ना, घेराउ र चक्का जाम लगायतका आन्दोलन कार्यक्रम गरिने जानकारी गराईएको छ ।
त्यसैगरी ज्ञापन पत्रमा कोशी समझौताको कार्यान्वयन, बालीनालीको क्षतिपूर्ति तथा १ सय ९९ सय वर्ष लिजमा रहेका कोशी पीडितको जग्गा जमिनको सुरक्षा सुनिश्चितता लगायत तीन बुन्दे माग सहित संघर्ष समितिका अध्यक्ष महिदेव चौधरीको अगुवाईमा प्रमुख जिल्ला अधिकारी सुनिल खनाल मार्फत प्रधानमन्त्रीलाई ज्ञापन पत्र बुझाएको छ ।
