०४ आषाढ २०८१, सोमबार
17-06-2024 , Mon
×

अक्षर विद्या मन्दिरको ददागिरी : स्टाफको बच्चा नपढाउने अडान

Logo
न्यूज मधेश प्रकाशित मंगलबार, बैशाख १८, २०८१

जनकपुरधाम । जनकपुरधामको अक्षर विद्या मन्दिरले स्टाफको बालबालिकालाई नपढाउने गरेको रहस्य खुलेको छ ।

सोही विद्यालयमा चालक पदमा कार्यरत्त जनकपुरधाम उपमहानगरपालिका २ का सोमनाथ यादवको छोरालाई भर्ना लिन नमानेको हो ।

यादव चार महिनादेखि सोही विद्यालयमा कार्यरत्त छन् । तीन वर्ष पुगेका उनले छोरालाई नर्सरी भर्ना गराउन जाँदा विद्यालयका लेखापाल धमेन्द्र यादवले हप्काएर पठाएको उनले आरोप लगाए ।

‘स्टाफको बच्चालाई एडिमिशन लिँदैनन्,’लेखापालको कुरा उदृत गर्दै उनले भने,‘जब सम्म यहाँ काम गर्छौ तब सम्म यहाँ तिम्रो छोराको भर्ना हुँदैनन् । एक पटकमा कुरा बुझ्दैनौं ।’ जागिर छोडेर गएपछि मात्रै एडमिशन लिने लेखापाल यादवको भनाई छ ।

लेखापालको कुरा चित्त नबुझेपछि उनले विद्यालयका सञ्चालक पंकज जलानसंग पनि भेटेर छोराको भर्ना लिन गुहार गरे । ‘मैले उहाँलाई आदरपुर्वक यहाँ नै भर्ना गर्दिन अनुनय गरे,’सोमनाथले सञ्चालक जलानसंगको कुराकानी सुनाउँदै भने,‘तर, उहाँहरु मान्नु भएन । र, शिक्षाको मन्दिर जस्तो ठाउँमा विभेद ग¥यो ।’

यस विषयमा सञ्चालक जलानले भर्ना नलिएको कुरा स्वीकार गरे । उनले स्टाफको बच्चा पढाउँदा काम गर्न कठिनाई भएको बहाना बनाउँदै पञ्छिन खोजे । तर, त्यही अन्य शिक्षकको बालकालिका पढिरहेको विषयमा उनले यो रुल्स चार वर्षदेखि मात्रै लागु भएको बताए ।

‘हामीलाई वर्किङमा समस्या आएपछि चार वर्षअघि स्टाफको बच्चालाई नपढाउने निर्णय गरेका छौं,’जलानले भने,‘त्यसअघि भर्ना भएको स्टाफको बालबालिका अझै पढ्दै छन् । हामीले नयाँ भर्ना लिएका छैनौं ।’

कमेन्ट गर्नुहोस्
सम्बन्धित

जनकपुरधाम । मधेस प्रदेशका मुख्यमन्त्री सतिशकुमार सिंहले मधेस प्रदेशका आठवटै जिल्लामा कृषि विद्युतीकरणको काम अगाडि बढाउन छलफल सुरु गर्नुभएको छ । उहाँले आज नेपाल विद्युत् प्राधिकरणका मधेस प्रदेश प्रमुख मोनिन्द्र ठाकुरलगायतसँग यस विषयमा छलफल गर्नुभएको हो । किसानलाई सिँचाइको सुविधा सहज बनाउन खेतमा विद्युत् पु¥याउने लक्ष्यअनुरुप मुख्यमन्त्री सिंहले छलफल अगाडि बढाउनुभएको उहाँको निजी सचिवालयले जनाएको […]

जनकपुरधाम । मधेश सरकारले आगामी आर्थिक वर्षदेखि किसान कार्ड वितरण र किसानलाई पेन्सन दिने भएको छ । आगामी आर्थिक वर्ष २०८१/०८२ को बजेट शनिबार प्रदेशसभामा प्रस्तुत गर्दै अर्थमन्त्री भरत प्रसाद साहले किसान कार्ड र पेन्सनका लागि बजेट विनियोजन गरेको बताए । उनले कृषि विद्युतिकरण विस्तार र कृषि विल निःशुल्क गर्ने घोषणा पनि गरे । उनले […]

जनकपुरधाम । मधेशका मुख्यमन्त्री सतिश कुमार सिंहले मुस्लिम समुदायको महापर्व ईद-उल-अजहा (बक्र ईद) पर्वले मेलमिलाप, एकता र सहकार्यको वातावरण निर्माणमा सहयोग पुग्ने विश्वास व्यक्त गर्नुभएको छ । आज विहान शुभकामना सन्देश जारी गर्दै उहाँले यस्तो विश्वास व्यक्त गर्नुभयो । उहाँले बक्र ईदको अबसरमा स्वदेश र विदेशमा रहनु भएका सम्पूर्ण मुस्लिम नेपालीमा सुख, शान्ति तथा समृद्धिको […]