सप्तरी। बिगत केही दिन देखि परेको अविरल बर्षाको कारण सप्तरीको अधिकान्स क्षेत्रहरू डुवानमा परेका छ्न । बिहानदेखि परेको अविरल वर्षाले सप्तरी जिल्लाका विभिन्न क्षेत्रहरूका जनजीवन प्रभावित भएका हुन्।
सप्तरीमा केही दिनयता परेको अविरल वर्षाका कारण सप्तरीको कन्चनरुप नगरपालिका, राजबिराज नगरपालिका ,हनुमाननगर कन्कालिनी नगरपालिका क्षेत्र जलमग्न भएको छ।
बर्षाले कच्ची सडक हिलाम्य हुँदा यातयात सञ्चानलमा समस्या भएको छ । यसैबीच वर्षाकै कारण जिल्लाको कन्चनरुप नगरपालिका १ स्थित घरमा एउटा पानी पसेको छ । पानी निकास हुननसक्दा घरभित्र पानी पसेको स्थानीयले बताएका छ्न ।
यसैगरी राजबिराज नगरपालिकामा ढल निकास गर्न नाला व्यवस्थित गर्न नसक्दा त्यस नगरका अधिकांश सडकहरु वर्षाकै पानीले जलमग्न भएको छ । बर्षाको पानी निकास हुन नपाउँदा नगरपालिकाका वडा नं. ३, ४, ५, ७, ११ र १६ वडाका अधिकांश घरमा समेत पानी पसेको छ ।
