जनकपुरधाम । जनमत पार्टीका राष्ट्रिय अध्यक्ष डा.सीके राउतले आज धनुषाको औरही आइरहेको छ।
अध्यक्ष डा.राउतले धनुषाको औरही गाउँपालिका-५ स्थित चक्कर जाने बाटोमा जनमत पार्टी धनुषाले आयोजना गरेको पार्टी प्रवेश तथा जनसभालाई उनले सम्बोधन गर्ने कार्यक्रम रहेको पार्टीमा केन्द्रिय कार्यकारिणी सदस्य रेखा मण्डलले जानकारी दिए ।
महिला नेतृ मण्डलकी अनुसार आज शुक्रबार २ बजेबाट पार्टी प्रवेश तथा जनसभा सुरु गर्ने तयारी रहेको हो ।उक्त कार्यक्रममा विभिन्न पार्टीका सयौं जना नेताकार्यकर्ताहरुले पार्टी प्रवेश गर्ने उनको भनाई रहेको छ।
धनुषा जिल्लाभरीका अगुवा नेताकार्यकर्ताहरुलाई पार्टी प्रवेश तथा जनसभा कार्यक्रम सहभागी हुनको लागि महिला नेतृ रेखा मण्डलले आग्रह गरेकी छिन् ।
उनी सो कार्यक्रममा युवा,विद्यार्थी ,किसान,गरिब,महिला ,समाजसेवी ,राजनीतिकर्मीसहित आम जनसमुदायलाई कार्यक्रममा सहभागी भई अध्यक्ष डा.सीके राउतको सम्बोधन सुन्नको लागि अनुरोध समेत गरेकी छिन् ।
