०६ आषाढ २०८१, बिहिबार
20-06-2024 , Thu
×

धनुषाको राजनीतिमा गुण्डागर्दी चल्दैन : नेता साह

Logo
न्यूज मधेश प्रकाशित शनिबार, बैशाख २२, २०८१

जनकपुरधाम । धनुषा जिल्लाको विभिन्न क्षेत्रमा केही पार्टीका नेताहरुले जनताको समस्या समाधान गर्नुभन्दा गुण्डागर्दी शैलीमा राजनीति गरिरहेको आरोप जनमत पार्टीका राष्ट्रिय सचिब बीपी साहले लगाएका छन्। जिल्लामा यस्तो गुण्डागर्दीशैलीको राजनीति नचल्ने साहले बताएका छन् ।

शुक्रबार जनमत पार्टी धनुषाले औरही गाउँपालिकामा आयोजित बृहत्त पार्टी प्रवेश तथा आमसभालाई सम्बोधन गर्दै नेता साहले भने,‘धनुषामा किसानहरुलाई सिचाईको समस्या छ, मलखादको समस्या छ, बेरोजगारी समस्याले किशोरहरु सानै उमेरमा विदेशिन बाध्य छन्। तर हामी धनुषाका नेताहरु गुण्डागर्दी शैलीमा राजनीति गर्न खोज्दैछौं। एकले अर्काेलाई थिचोमिचो गर्न खोज्दैछौं। यस्तो राजनीतिले जिल्लाका जनताको जीवन स्तरमा सुधार आउने छैन ।’

धनुषाको विकासका लागि सम्पूर्ण राजनीतिक दलहरु मिलेर अगाडि बढ्नु पर्ने सुझाव नेता साहले दिए। ‘अरु जिल्लाहरुमा विकास निर्माणको कार्यमा सबै दल मिलेर काम गर्छन् तर धनुषामा एउटा पार्टीले काम गरे अर्कोले अवरोध गर्ने परम्परा देखिन्छ। यसरी हामी हाम्रो जिल्लाकै जनतालाई गरिब बनाइ राखेका छौं।’ नेता साहले भने,‘हेरक पटक संघीय मन्त्रिपरिपाद्मा धनुषाबाट कम्तिममा एक जना मन्त्री हुने गरेको छ। उहाँहरुले पार्टीभन्दा माथी उठेर जिल्लामा विकास निर्माण तथा सुधारको काम गर्नु पर्नेछ ।’

जनमत पार्टीका नेता कार्यकर्ताहरुले जनताको समस्या लिएर जाँदा कतिपय प्रशासनिक अड्डामा अनदेखा गर्ने प्रयास भइरहेकोप्रति आक्रोस पोख्दै नेता साहले भने,‘जनमत पार्टी पढेलेखेका वा बैज्ञानिकको पार्टी हो भनेर हाम्रा नेता कार्यकर्तालाई ‘सुधुवा’ ठानेर हेप्ने प्रयास भएको देखिन्छ। पुलिस प्रशासनले यो विर्सिनु हुँदैन कि हामी दश वर्ष संघर्ष गरेर आएका हौं। हामी अहिले सैंयमित भएर अगाडि बढ्न खोज्दैछौं। हाम्रा नेता कार्यकताहरुले जनताको समस्या लिएर जाँदा सरकारी अड्डाहरुमा वा वडा–पालिका कार्यालयहरुमा सम्मानजनक व्यवहार भएन भने हामी चुप लागेर बस्ने छैनौं ।’

उक्त सभालाई जनमत पार्टीका राष्ट्रिय अध्यक्ष डा.सीके राउत, मधेश प्रदेश संसदीय दलका नेता महेशप्रसाद यादव, धनुषा जिल्ला इन्चार्ज सुरेन्द्र मण्डललगायतले सम्बोधन गरेका थिए। कार्यक्रममा नेपाली कांग्रेस, नेकपा एमाले र जसपालगायतको दलबाट ५ सयभन्दा बढी नेता कार्यकर्ताहरु जनमत पार्टीमा प्रवेश गरेका छन् ।

कमेन्ट गर्नुहोस्
सम्बन्धित

जनकपुरधाम । धनुषा र सिरहालाई जोड्ने कमला पुल यस वर्ष पनि नबन्ने भएको छ । निर्माण सम्पन्न भएर उद्घाटन हुनुअगावै भासिएको उक्त पुल तीन वर्ष बितिसक्दा पनि निर्माण हुनसकेको छैन । गत चैत १८ गते पुलको निरीक्षण गर्दै भौतिक पूर्वाधार तथा यातायातमन्त्री रघुवीर महासेठले ठेकेदारलाई असार १५ गतेसम्म पुल निर्माण सम्पन्न गर्न निर्देशन दिनुभएको थियो […]

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]