जनकपुरधाम । जनमत पार्टी मधेश प्रदेश संसदीय दलको नेता तथा पुर्वमन्त्री महेश प्रसाद यादवको नाममा नक्कली फेसबूक अकाउन्ट बनाएर विभिन्न व्यक्तिसंग पैसा माग्दै गरेको छ।
पछिल्लो समय सामाजिक सञ्जालमार्फत हुने ठगी धन्दा बढ्दै गइरहेको देखिएको छ । विभिन्न जालझेल, प्रलोभन तथा भ्रममा पारेर नक्कली प्रयोगकर्तालाई ठग्ने प्रवृत्ति मौलाउन थालेको हो ।
पुर्वमन्त्री यादवको नक्कली फेसबुक आइडी बनाएर कसैले ‘स्कायनर’मार्फत उनका साथीहरुसँग पैसा मागिरहेको प्रती उनको ध्यानाकर्षण भएको हो ।
सप्तरी क्षेत्र नम्बर २(२) बाट निर्वाचित प्रदेश सांसदसमेत रहेका महेश प्रसाद यादवले भने, ‘मेरा फेसबुकका साथीहरूले मलाई सूचित गरे कि कसैले मेरो नाममा नक्कली फेसबुक आइडी खोलेका छन् र मेरा साथीहरुसँग पैसा माग्दै छन् । म मेरा सबै साथीहरुलाई अनुरोध गर्न चाहन्छु कि यो म होइन र यो धोका दिनेको बारेमा सजग रहनुहोस् तथा पैसा नदिनुहोस् ।’
पुर्वमन्त्री यादवले नाममा बनाइएको फेक अकाउन्टबाट धेरै जनालाई फ्रेन्ड रिक्वेस्ट समेत पठाउने गरेको पाइएको छ । विभिन्न बहाना देखाउँदै आफ्नो नामबाट पैसा माग्ने गरिएको उनले बताए ।
