०६ आषाढ २०८१, बिहिबार
20-06-2024 , Thu
×

मधेशमा जनमतसँग संवाद गर्ने जसपाको निर्णय

Logo
न्यूज मधेश प्रकाशित सोमबार, बैशाख २४, २०८१

जनकपुरधाम ।मधेश प्रदेशमा जसपा नेपाल संसदीय दलको बैठकले प्रदेशसभाको अवरोध हटाउन जनमत पार्टीसँग संवाद गर्ने र जसपा नेपाललाई एकढिक्का बनाएर अगाडि बढ्ने निर्णय गरेको छ ।

मधेश प्रदेशका मुख्यमन्त्री सरोजकुमार यादवले बोलाएको जसपा नेपाल संसदीय दलको बैठकमा जनमत पार्टीले अवरुद्ध गर्दै आइरहेको प्रदेशसभा बैठक सञ्चालन गर्न पहल गर्ने सहमति भएको प्रदेश सांसद रामअशिष यादवले बताए ।

‘नियमित बस्दै आएको संसदीय दलको बैठक जस्तै सोमबार पनि बसेको हो,’ प्रदेश सांसद यादवले भने,‘बैठकमा दुई विषयमा छलफल भयो । प्रदेशसभा नियमित सञ्चालन गर्न जनमत पार्टीसँग छलफल गरी अवरोध खुलाउने र जसपा विभाजनपछि जसपा नेपाललाई एकढिक्का बनाएर पार्टीलाई झन् बलियो बनाउने विषयमा बैठक केन्द्रित थियो ।’

संसदीय दलको बैठकमा १९ जनामध्ये १६ जना सांसद उपस्थित थिए । प्रदेश सांसदहरू महोतरीका सरोजकुमार सिंह, सिरहाकी शहिदा खातुन र बाराका सारदा शंकर कलवार बैठकमा आएनन् । निर्वाचन क्षेत्रको काम र घरमा विवाह भएकोले तीन जना सांसद बैठकमा आउन नसकेको जानकारी गराएको बैठकमा सहभागी सांसदले बताए ।

कमेन्ट गर्नुहोस्
सम्बन्धित

जनकपुरधाम । धनुषा र सिरहालाई जोड्ने कमला पुल यस वर्ष पनि नबन्ने भएको छ । निर्माण सम्पन्न भएर उद्घाटन हुनुअगावै भासिएको उक्त पुल तीन वर्ष बितिसक्दा पनि निर्माण हुनसकेको छैन । गत चैत १८ गते पुलको निरीक्षण गर्दै भौतिक पूर्वाधार तथा यातायातमन्त्री रघुवीर महासेठले ठेकेदारलाई असार १५ गतेसम्म पुल निर्माण सम्पन्न गर्न निर्देशन दिनुभएको थियो […]

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]