जनकपुरधाम ।जनमत पार्टी मधेश प्रदेश संसदीय दलका नेता तथा पुर्व शिक्षामन्त्री महेश प्रसाद यादवले सप्तरीको दुईवटा विद्यालयको शैक्षिक भवनको शिलान्यास गरेका छन् ।
पुर्वमन्त्री यादवले रुपनी गाउँपालिका-३ स्थित रहेको माध्यमिक विद्यालय कटैयामा चार कोठे भवन र शम्भुनाथ नगरपालिका-२ खैरबोनास्थित रहेको आधारभुत विद्यालयमा दुई कोठे भवनको एक कार्यक्रमबीच शिलान्यास गरेका हुन् ।
पुर्वमन्त्री यादव मधेश प्रदेश सरकारको शिक्षा तथा सांस्कृतिक मन्त्री रहेका बेला यी दुबै विद्यालयको शैक्षिक भवनको लागि बजेट राखेको थिए। सोही अनुरुप माध्यमिक विद्यालय कटैयामा चार कोठे भवनको लागि ५० लाख र आधारभुत विद्यालय खैरबोनाको लागि दुई कोठे भवन निर्माण गर्न २५ लाख बजेट छुट्याइएको थियो।
यी दुबै विद्यालयमा कक्षाकोठा अभाव रहेकोले शिक्षा तथा सांस्कृतिक मन्त्रालयबाट बजेट गरेको छ।
कार्यक्रममा विद्यालयका प्र.अ ,शिक्षक,शिक्षिका ,स्थानीय बुद्धिजीवी ,समाजसेवासहितको उपस्थितिमा पुर्व शिक्षामन्त्री यादवले विद्यालय भवनको शिलान्यास गरेको छ।
