०६ आषाढ २०८१, बिहिबार
20-06-2024 , Thu
×

विमलेन्द्र निधिका भान्जाको कब्जामा: जनकपुरमा स्काउटको भवन

Logo
न्यूज मधेश प्रकाशित मंगलबार, जेठ ०१, २०८१

जनकपुरधाम । जनकपुरधाम उपमहानगरपालिका ४ स्थित नेपाल स्काउटको भवन गैरसरकारी संस्थाले हड्पेको खुलेको छ । गैरसरकारी संस्थाले विगत लामो समयदेखि स्काउटको भवन हड्पेको हो ।

जिल्ला प्रहरी कार्यालय धनुषाको अगाडि रहेको महेन्द्र नारायण निधि मिथिला संस्कृति केन्द्रमै टाँसिएर स्काउटको जिल्ला कार्यालय छ । तर अहिले त्यो भवनमा स्काउटको कार्यालय छैन । स्काउटको भवन गैर सरकारी संस्थाले हड्पेपछि अहिले स्काउट प्रदेश कार्यालय भाडामा सञ्चालन भइरहेको छ ।

२०४२ सालमै गुठीको जग्गामा जिल्ला स्काउट कार्यालयको भवन निर्माण भएको थियो । दुई तल्ले पक्की भवनमा अहिले पनि शिलालेख छ । प्रमुख स्काउट श्री ५ अधिकाराजकुमार धीरेन्द्र वीर विक्रम शाह सरकारको बाहुलीबाट गुठी संस्थाको सौजन्यबाट प्राप्त जग्गामा स्थानीय जनसहयोगबाट नेपाल स्काउट जिल्ला कार्यालयको नव निर्मित भवनको समुद्घाटन सुसम्पन्न भयो– शिलालेखमा उल्लेख छ ।

उक्त भवनमा प्रदेश स्काउट कार्यालय राख्न दिइएको छैन । स्काउटका मधेश प्रदेश आयुक्त दिनेश कुमार यादवले चन्दन कौशिक नामका व्यक्तिले स्काउटको भवन कब्जा गरेको बताए । उनका अनुसार कौशिक कांग्रेस नेता विमलेन्द्र निधिका नातामा भान्जा पर्छ । स्काउटको भवनमा कौशिकले नै गैरसरकारी संस्था चलाइरहेका छन् ।

उनले कौशिकसँग पटक पटक सम्पर्क गर्ने प्रयास गर्दा पनि नभएको बताए । उनले भने, ‘स्काउटको भवनमा तीन/चार पटक पुगे । त्यहाँ एउटा एनजिओले कब्जा जमाएको छ । ती एनजीओका व्यक्तिसँग कुरा गर्दा स्काउटलाई भाडा तिर्ने गरेको भने पनि कसलाई भाडा दिने गरेको रसिद माग्दा दिइएन ।’

‘अहिले प्रदेश कार्यालय घर भाडामा लिएर राखेका छौं’, उनले भने, ‘लगभग १६ हजार मासिक भाडा तिर्दै आएको छु । तर आफ्नै स्काउटको आफ्नै भवन भने गैर सरकारी संस्थाले हड्पेको छ ।’

उनका अनुसार नेपाल स्काउट राष्ट्रिय तदर्थ समितिले ०७७ असार २८ मै जिल्ला र क्षेत्रिय समितिहरु खारेज गर्दै भोगचलन गरिरहेको सम्पूर्ण चल अचल सम्पत्तिहरु स्वतः सम्बन्धित प्रदेश स्काउट कार्यालय मातहत जाने निर्णय गरिसकेको छ । तर यहाँका जिल्ला कार्यालय भवन प्रदेश मातहत आएको छैन ।

उनले स्काउटको भवन गैरसरकारी संस्थाले अनाधिकृत रुपमा हड्पेको भन्दै उक्त भवन प्रदेश स्काउट कार्यालय मातहतमा ल्याइ कार्यालय सञ्चालनको व्यवस्थापन गराइदिन जिल्ला प्रशासन कार्यालयमा निवेदन समेत दिएका छन् । जिल्ला प्रशासनले ०८१ वैशाख २० मा जिल्ला प्रहरी कार्यालयलाई पत्राचार गरेको छ ।

स्काउटका प्रदेश आयुक्त यादव भन्छन्, ‘जिल्ला प्रशासन कार्यालयमा निवेदन दिएपछि सिडिओ साहेबले जिल्ला प्रहरी कार्यालयलाई पत्राचार गर्नुभयो । तर प्रहरीले कुनै चासो देखाएको छैन ।’ हड्पेको कार्यालय खाली गराएर स्काउटको प्रदेश कार्यालय सञ्चालनको व्यवस्था मिलाइदिनुपर्यो, तपाईहरु पनि पहल गरिदिनुस्– उनले थपे ।

जिल्ला प्रहरी कार्यालय धनुषाका मुद्दा फाँटका प्रहरी निरीक्षक उपेन्द्र खत्रीले स्काउटको भवन हड्पेको विषयमा निवेदन नआएको बताए । उनले भने, ‘यस विषयमा मलाई थाहा भएन । म बुझ्छु ।’,

कमेन्ट गर्नुहोस्
सम्बन्धित

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]

राजविराज । मधेश प्रदेशका पूर्व शिक्षा तथा संस्कृति मन्त्री महेश प्रसाद यादवले सामुदायिक शिक्षालाई सुधार्न सबैले समान व्यबहार अपनाउनुपर्ने बताएका छन् । सप्तरीको रुपनी गाउँपालिकाको पाँचौ गाउँसभाको बुधबार उद्घाटन गर्दै यादवले सामुदायिक विद्यालयलाई सुधार्न समाजका अगुवा सबैले आफ्ना सन्तानलाई सामुदायिक विद्यालयमै भर्ना गर्नुपर्ने बताए । ‘सामुदायिक विद्यालयमा सबैले आफ्ना सन्तान पढाउन दिएर हेरचाह गरे सामुदायिक […]