राजेन्द्र महतो,लहान। सिरहा जिल्लाको मिर्चैया नगरपालिका वडा नं.५ स्थित पुरानोबजारबाट प्रहरीले बिहिवार लागु पदार्थ गाजा सहित एक जनालाई पक्राउ गरेको छ ।
बिशेष सूचनाको आधारमा जिल्ला प्रहरी कार्यालय सिरहा बाट खटिएको प्रहरी टोलीले मिर्चैया नगरपालिका – ५ का ५० वर्षीय राम कुमार मण्डलले आफ्नै घरमा लुकाइ छिपाइ बिक्री वितरण गर्न राखेको ५ के जी लागू पदार्थ गाजा सहित पक्राउ गरेको हो।
पक्राउ परेका मण्डल लाई ईलाका प्रहरी कार्यालय मिरचैयामा राखि आबशयक कार्बाही तथा थप अनुसन्धान भइरहेको को जिल्ला प्रहरी कार्यालय सिरहा का डि एस पी तथा प्रबक्ता अपिल राज बोहरा ले बताएका छन।
