०६ आषाढ २०८१, बिहिबार
20-06-2024 , Thu
×

विकास निर्माण ठेक्का सेनालाई दिनुभन्दा निजी क्षेत्रलाई भरोसा गर्नुपर्छः सीके राउत

Logo
न्यूज मधेश प्रकाशित शुक्रबार, जेठ ०४, २०८१

काठमा‌डौं। पछिल्लो राजनीतिक परिघटनाले राजनीतिक नेतृत्व बजेट निर्माणमा कति गैरजिम्मेवार छ भन्ने देखाएको जनमत पार्टीका अध्यक्ष डा सीके राउतले बताएका छन्।

शुक्रबार बिजमाण्डूले आयोजना गरेको प्रि-बजेट कन्फ्रेन्समा बोल्दै राउतले बजेट निर्माण प्रक्रियामा भइरहेको सदन अवरोधले गैरजिम्मेवारीपन झल्काएको बताए।

डा.राउतले बजेटको आकार ठूलो ल्याउँदा गर्व गर्ने परिपाटी तथा खर्च गर्न नसक्ने अवस्था प्रति आफू असन्तुष्ट रहेको बताए। पुल निर्माण गर्न जम्मा ५ लाख रुपैयाँ विनियोजन गर्ने परिदृश्य रहेको भन्दै उनले स्रोत साधन सुनिश्चित नभए पनि योजना हाल्ने प्रवृत्ति अन्त्य गर्नुपर्नेमा जोड दिए। आवश्यक बजेट नहुँदै योजना बजेटमा समावेश गर्न नहुने उनको तर्क छ।

बजेट १५ खर्ब मात्रै छ तर प्रतिफल नआउने परियोजनामा लगानी गर्न नहुने उनले बताए। भ्यूटावरदेखि व्यावसायिक सञ्चालन भएर पनि लागत उठाउन नसक्ने अवस्थामा पुगेका विमानस्थलको उदाहरण दिँदै राउतले विदेशी लगानी प्रतिबद्धता किन आएन भन्नेमा गम्भीर समीक्षा राज्यले गर्नुपर्ने बताए।

राउतले सेनालाई विकास निर्माणको जिम्मा दिँदा लागत बढेर जाँदासमेत कारवाही गर्न नसकेको भन्दै निजी क्षेत्रलाई विकास निर्माणमा भरोसा गर्नुपर्ने बताए। सेना र सरकारले निर्माण गर्नुभन्दा निजी क्षेत्रलाई अवसर दिनुपर्ने उनको भनाइ छ।

निर्माण व्यवसायीले धेरै वटा ठेक्का हातमा राख्ने तर समयमा काम नसक्ने परिपाटी अन्त्य हुनुपर्ने राउतले बताए। सरकारले काम नगर्ने निर्माण व्यवसायीलाई कारवाही गरे उल्टै राज्य पीडित हुनुपर्ने अवस्था रहेको बताए।

काम नगर्ने निर्माण व्यवसायीलाई कालोसूचीमा राख्ने र ठेक्का तोड्नेबाहेक अरु कारवाही सरकारले गर्न नसक्ने अवस्था रहेको भन्दै राउतले त्यो गरे नयाँ ठेक्कामा जान अधिक समय लाग्ने भएकाले थप ढिलासुस्तीको सिकार राज्य हुनुपर्ने अवस्था रहेकाले कानुनी सुधार गर्नुपर्ने बताए।

कमेन्ट गर्नुहोस्
सम्बन्धित

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]

राजविराज । मधेश प्रदेशका पूर्व शिक्षा तथा संस्कृति मन्त्री महेश प्रसाद यादवले सामुदायिक शिक्षालाई सुधार्न सबैले समान व्यबहार अपनाउनुपर्ने बताएका छन् । सप्तरीको रुपनी गाउँपालिकाको पाँचौ गाउँसभाको बुधबार उद्घाटन गर्दै यादवले सामुदायिक विद्यालयलाई सुधार्न समाजका अगुवा सबैले आफ्ना सन्तानलाई सामुदायिक विद्यालयमै भर्ना गर्नुपर्ने बताए । ‘सामुदायिक विद्यालयमा सबैले आफ्ना सन्तान पढाउन दिएर हेरचाह गरे सामुदायिक […]

काठमाडौँ । राष्ट्रिय युवा परिषदद्वारा नेपाल रोवोटिक्स एसोसिएसनसंगको सहकार्यमा आयोजना गरिएको युवा वैज्ञानिक सम्मेलन सम्पन्न भएको छ। वुधवार उपत्यकामा आयोजित सम्मेलनको उद्घाटन अर्थमन्त्री वर्षमान पुनले गरेका थिए। एकदिवसीय युवा वैज्ञानिक सम्मेलनमा अर्थमन्त्री पुनले राष्ट्रको सर्वाङ्गीण विकासका लागि विज्ञान तथा प्रविधिको विकास र उपयोगको महत्वपूर्ण भूमिका रहने वताए। ‘विश्वमा विकशित राष्ट्रहरुको विकासको मुल आधार नै समय […]