जनकपुरधाम ।धनुषाको कमला नगरपालिकामा विभिन्न पार्टी परित्याग गरि सयौं जना नेताकार्यकर्ता जनमत पार्टी प्रवेश गर्नुभएको छ।
अबराम मण्डलको अध्यक्षतामा कमला नगरपालिका-९ मा आयोजित पार्टी प्रवेश कार्यक्रम जनमत पार्टीका नेता दिनेश साहको प्रमुख आतिथ्यमा विभिन्न पार्टीका एक सय भन्दाबढी नेताकार्यकर्ताहरु जनमत प्रवेश गर्नुभयो।
उहाँहरुलाई जनमत पार्टीकी केन्द्रिय कार्यकारिणी सदस्य रेखा मण्डल र कार्यक्रमका प्रमुख अतिथि समेत रहेका नेता साहले गम्छा टीका लगाएर पार्टीमा स्वागत गर्नुभएको हो।
उक्त कार्यक्रममा कांग्रेस ,एमाले र जनता समाजवादी पार्टी नेपालका विभिन्न पदमा रहेका नेताकार्यकर्ता र महिला नेतृहरु पार्टी प्रवेश गर्नुभएको छ।
सो कार्यक्रममा विशिष्ट अतिथिमा गैर आवासीय मधेशी संघका अन्तरास्ट्रिय समितिको सल्लाहकार जगत लाल मण्डल ,जनमत पार्टीका राष्ट्रिय परिषद सदस्य जय नारायण साह,प्रदेश सदस्य दिपेन्द्र कुमार तेथवार रहेको थियो।
नवप्रवेशीहरुलाई जनमत पार्टीमा स्वागत गर्दै उहाँहरुको राजनीतिक यात्राको सुखद रहोस् भने वक्ताहरुले शुभकामना दिनुभयो ।
