१० आषाढ २०८१, सोमबार
24-06-2024 , Mon
×

एक गाईले फेरिदियो पाँच युवाको जीवन

Logo
धीरेन्द्रप्रसाद साह प्रकाशित शनिबार, जेठ १२, २०८१

जनकपुरधाम । सरकारी, गैरसरकारी संस्थाको जागिर छाडेर पाँच जना युवा मिलेर एउटा मात्र गाई किनेर सुरु गरेको व्यवसायबाट अहिले करोडौँको कारोबार भइरहेको छ । यसरी जागिर छोडेर तत्काल बेरोजगार भएका युवाले गाई किन्दा घरपरिवारबाट असहयोग मात्र होइन सबैले पागल भइस् भन्थे ।

तर पनि दह्रो विश्वास, दृढ सङ्कल्पका साथ २०६९ मा ७२ हजार रुपियाँमा किनेको गाईको नाम नन्दनी राखियो । यो गाईको मालिक महोत्तरी पिप्रा गाउँपालिका–७ का राकेशकुमार झा, सुखीपुर नगरपालिका–२ का रामरिझन यादव, मनोजकुमार यादव, इन्दिरा दास र अजितलाल कर्ण हुनुहुन्छ । जागिरमा हुँदा अनेकन स्थान घुमफिर गर्ने व्रmममा सिरहाको सुखीपुरस्थित एक जनाको आधुनिक र आकर्षक घर देखेर भित्र पस्दा घरधनीले माछापालन, सजिवन तरकारी गरेको देखेर उहाँहरू अभिप्रेरित हुनुभएको थियो ।

त्यहाँबाट कृषिकर्म गर्न प्रेरित भएर करिब १२ जिल्लाका कृषि फर्म अवलोकन गर्न मोटरसाइकलमै कुदेर बुटवल, भैरहवासम्म भ्याउनुभयो । अनुभव बटुलेर फर्किएपछि सिरहाको गोलबजारस्थित पाँच बिघामा फार्म हाउस बनाउन एक वर्षसम्म भौतिक संरचना, सडक, वृक्षरोपणलगायतको काम गरेर त्यहाँ करिब २० लाख रुपियाँ पनि खर्च गर्नुभयो तर सफलता नपाउँदा परिवारले सहयोगको ढोका पूर्ण रूपमा बन्द गरिदिँदा मनोबल खस्किसकेको थियो ।

त्यसको सात÷आठ महिनापछि २०६९ सालमा जागिर छोडेर धनुषाको जनकपुरधाम उपमहानगरपालिका २३ बिन्धीमा नन्दनी गाई फर्म खोलेर एउटा गाई मात्र किन्नुभयो । नन्दनी नामको गाईको दुधबाट दैनिक पैसा आउन थालेपछि मनोबल उच्च हुन थाल्यो । गाईको स्याहारसुसार गर्ने खुवाउने, पानी दिने, चरिचरन गराउनेलगायतको काममा उहाँहरू आफैँ जुट्नुभयो । गाईको शुद्ध दुध जनकपुर बजारमा बेच्न सुरु गर्दा शुद्धताको ब्रान्ड बन्यो । दुधबाट मासिक रूपमा १८ हजार कमाइसँगै पाँच मित्रको जीवनको भाग्यरेखा नै फेरियो ।

नन्दनी नामको गाई बुढो भएर म-यो तर अजितलाल कर्ण मोबाइलको वालमा नन्दनी गाईका तस्बिर राखेर सधँै स्मरण गर्नुहुन्छ ।

उहाँ भन्नुहुन्छ, “दुध बेचेर आम्दानी हुन थालेपछि अरू धेरै गाई थप्यौँ । दुधको शुद्धताको ब्रान्डले सडकमा बसेर दुध बेच्नुभन्दा व्यवस्थित ढङ्गले बिव्रmी गर्न सन् २०१७ मा फार्ममै नन्दनी डेरी उद्योग सञ्चालनमा ल्यायौँ ।” अहिले यो डेरीले शुद्धता, गुणस्तरीयता, अर्गानिकमा निकै ख्याति कमाएको छ । तत्कालीन बजार प्रवर्धन निर्देशनालय काठमाडौँले डेरी खोल्न दिएको १० लाख रुपियाँ अनुदानको रकममा १७÷१८ लाख रुपियाँ ऋण थप गरेर डेरी खोलेको अजित बताउनुहुन्छ । अहिले वार्षिक ७० हजार लिटर दुध बिव्रmी गर्न सजिलो भएको उहाँको भनाइ छ । यो फार्म अहिले भाडाको एक कट्ठासहित २४ कट्ठामा फैलिएको छ ।

घाँसका लागि छुट्टै दुई बिघा खेत छ । डेरी उद्योगमा दही, दुध, पनि, घिउ, रसभरी, लालमोहन, पेडा, बर्फीलगायत २८ किसिमका मिठाई र डोसा, चाउमिन, विभिन्न प्रकारका चाट, राजकिशोर बेच्न थालेकाले दिनभरि उपभोक्ताको भरिभराउ रहन्छ । वार्षिक साढे तीन करोड रुपियाँको कारोबार गरिहेरको डेरीमा वरिपरिका किसानबाट मासिक दुध खरिद, १७ जना कामदार र पाँच जना सञ्चालकमा मासिक २१ लाख खर्च हुने गरेको छ ।

अटुट विश्वास
नन्दनी कृषि फार्म र डेरी उद्योगको कारोबार करोडौँमा भइरहँदा सञ्चालक पाँच मित्रबिच कुनै किसिमको कागजी प्रमाण भने छैन । आपसी विश्वासमा अहिलेसम्म चलेको दाबी गर्छन् । अजित भन्नुहुन्छ, “हामीबिच अटुट विश्वास छ । त्यही विश्वासले अहिलेसम्म चलेको छ, भविष्यमा पनि चल्ने छ ।” आम्दानी पनि आपसमा बाँडफाँट नगरी फार्म र डेरी विस्तार, सुविधामा लगानी गर्दै अगाडि बढिरहेको उहाँको दाबी छ ।

कमेन्ट गर्नुहोस्
सम्बन्धित

बारा । बारास्थित पर्सा राष्ट्रिय निकुञ्ज क्षेत्रमा चोरी सिकारीमा संलग्न एक व्यक्तिको मृत्यु भएको छ । त्यहाँ सुरक्षार्थ तैनाथ नेपाली सेना र निकुञ्ज प्रशासनका कर्मचारीसहित नियमित गस्तीमा रहेको टोलीमाथि पकडीवास ठूलोथलीमा सिकारीको समूहले फायर खोल्दा सेनाले जवाफी फायरिङ गरेको थियो । हतियारसहित निकुञ्ज इलाकामा प्रवेश गरेका सिकारीलाई नभाग्न चेतावनी दिएकामा उल्टै सेनाको टोलीमाथि शिकारी समूहले […]

काठमाडौँ । नेपाल पत्रकार महासङ्घले आगामी असार २२ गते मतदान गर्नेगरी महाधिवेशनको निर्वाचन कार्यतालिका सार्वजनिक गरेको छ । महासङ्घको केन्द्रीय निर्वाचन समितिले शुक्रबार निर्वाचन कार्यतालिका प्रकाशन गरेको हो । निर्वाचन कार्यतालिकाअनुसार यही असार २२ गते बिहान ९ बजेदेखि साँझ पाँच बजेसम्म मतदानका लागि समय तय गरिएको छ । उम्मेदवारको मनोनयन दर्ता असार १३ गते र […]

काठमाडौँ । अमेरिकाको मेरिल्याण्डमा ‘नेपाल–अमेरिका अन्तर्राष्ट्रिय चलचित्र महोत्सव’ को सातौँ संस्करण सुरू भएको छ । नवीन सुब्बाले निर्देशन गर्नुभएको चलचित्र ‘गाउँ आएको बाटो’ को अमेरिका प्रदर्शनी (युएसए प्रिमियर) सँगै सुरू भएको उक्त महोत्सवमा नेपाल, अमेरिका, इरान, जर्मनी, पाकिस्तानलगायत ११ देशका चलचित्र, वृत्तचित्र, छोटा र सजीवता (एनिमेसन) विधाका गरी ३५ चलचित्र प्रदर्शन गरिने महोत्सव निर्देशक पूर्णसिंह […]