०१ आषाढ २०८१, शुक्रबार
14-06-2024 , Fri
×

मधेसमा जनमत पार्टीको नेतृत्वमा सरकार बन्ने निश्चित !

Logo
न्यूज मधेश प्रकाशित शनिबार, जेठ १९, २०८१

जकनपुरधाम । मधेश प्रदेशमा जनता समाजवादी पार्टीको सरकार विस्थापित गरी जनमत पार्टीको नेतृत्वमा सरकार बन्ने निश्चित भएको छ ।

एमाले अध्यक्ष केपी ओली र प्रधानमन्त्री पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधव नेपालबीच शुक्रवार छलफल भयो । छलफलमा जनमतको नेतृत्वको सरकार बनाउने सहमति जुटेको हो ।

ओली र प्रधानमन्त्री प्रचण्डसँगको शुक्रबार भएको छलफलमा एकीकृत समाजवादीका अध्यक्ष नेपालले केन्द्रीय सत्ता गठबन्धनलाई नै समर्थन गर्ने संकेत दिएपछि जनमत पार्टीको नेतृत्वमा सरकार बन्ने बाटोमा राजनीतिक कोर्ष अघि बढेको छ ।

एमाले, माओवादीको मूल नेतृत्व जनमतलाई मुख्यमन्त्री दिएर केन्द्रीय समीकरण अनुसार मधेश सरकार बनाउने गृहकार्यमा लागेका छन् ।

जसपा नेपालका अध्यक्ष उपेन्द्र यादव सरकारबाट बाहिरिएपछि विकल्पमा जनमतलाई अघि सार्ने तयारी एमाले र माओवादीको छ ।

एमाले र माओवादी सरकार छाडेपछि अल्पमतमा परेका मधेशका मुख्यमन्त्री सरोजकुमार यादवले २३ जेठमा विश्वासको मत लिने तयारी गरेका छन् । त्यसअघिकै बहुमतसहित जनमतको सरकार बनाउने कसरतमा सत्ता गठबन्धनका नेताहरु लागेको बुझिएको छ ।

कमेन्ट गर्नुहोस्
सम्बन्धित

गणतन्त्र दिवस–२०८१ का अवसरमा राष्ट्रिय समाचार समितिद्वारा आयोजित ‘गणतन्त्रको उपलब्धिःसमृद्धिका लागि पूर्वाधार’ विषयक तस्बिर प्रदर्शनी अवलोकनका क्रममा शुक्रबार जनमत पार्टीका अध्यक्ष डा चन्द्रकान्त राउतलाई स्वागत गर्दै राससका कार्यकारी अध्यक्ष धर्मेन्द्र झा । तस्बिर : किरणराज विष्ट/रासस

जनकपुरधाम । सांस्कृती संरक्षण र विकास साथै प्रवर्द्वन गर्ने उदेश्यले धनुषाको विदेह नगरपाकिकाकाे आयाेजनामा सांस्कृतिक प्रदर्शन कार्यक्रम हुने भएको छ। भोलि शनिबार सांस्कृतिक कार्यक्रम आयोजना गरिएकाे सह-आयाेजक एस. राज प्रोडक्सनसले जनाएको छ ।यस कार्यक्रमा मैथिली र भोजपुरी लोक नृत्य, लोक गायक, गायिका, स्थानीय कलाकारलगायतको सांस्कृतिक प्रस्तुति रहने सह-आयाेजकले जनाएको छ । जनता नमूना मावि गिद्वा […]

काठमाडौं । बढुवा भएका चारजना प्रहरी वरिष्ठ उपरीक्षक (एसएसपी)को पदस्थापन गरिएको छ । प्रहरी प्रधान कार्यालयका अनुसार बिहीबार बढुवा भएका एसएसपीहरू श्यामकृष्ण अधिकारी, रवीन्द्र रेग्मी, भीमबहादुर दाहाल र नान्तीराज गुरुङले दर्ज्यानी चिन्हसँगै जिम्मेवारी पनि पाएका हुन्। अधिकारीले सुदूरपश्चिम प्रदेश प्रहरी कार्यालयअन्तर्गत शान्ति सुरक्षा महाशाखा र रेग्मीको गण्डकी प्रदेश प्रहरी कार्यालयअन्तर्गत शान्ति सुरक्षा महाशाखाको जिम्मेवारी पाएका […]