जल्ने मान्छे जल्दै रहन्छ
मेरो कलम निरन्तर चल्दै रहन्छ ।
अग्निको ताप कोही सहन सक्दैन
सुनामीको बहाव कोही छेक्न सक्दैन
चाहे षड्यन्त्रको हुरी किन न आओस्
मेरो ज्ञानदीप अविचलित बल्दै रहन्छ
जल्ने मान्छे जल्दै रहन्छ
मेरो कलम निरन्तर चल्दै रहन्छ ।
कायरझै रणभूमि छोड्ने होइन विचार
लड्दै रहन्छु अन्तत: चाहे मिलोस् हार
रात बित्छ फेरी सुनौलो दिन हुन्छ
नित्य सन्ध्यासँग सुर्य ढल्दै रहन्छ
जल्ने मान्छे जल्दै रहन्छ
मेरो कलम निरन्तर चल्दै रहन्छ ।
ए! अहंकारी बुझन ईश्वरको माया
जसको लीला हुन् त घाम र छाया
पत्झर जान्छ फेरी सावन आउछ
फेरी रंगबिरंगी फलफूल फल्दै रहन्छ
जल्ने मान्छे जल्दै रहन्छ
मेरो कलम निरन्तर चल्दै रहन्छ ।
ज्ञानको कलम बनाइ स्मृतिको सफा पृष्ठ
भाव मसिले लेख्छु सफल कथा उत्कृष्ट
मेरो प्रियजन बुझ्दै पढ्दै रहन्छ
मेरो कदम लक्ष्यतर्फ उचल्दै रहन्छ
जल्ने मान्छे जल्दै रहन्छ
मेरो कलम निरन्तर चल्दै रहन्छ ।
लेखन: मण्डल धनुषाको लक्ष्मिनिया गाउँपालिका-१ सिनुरजोडाका हुन् ।
