०१ आषाढ २०८१, शुक्रबार
14-06-2024 , Fri
×

मधेसका २ मन्त्री फिर्ता बोलाउँदै एकीकृत समाजवादी

Logo
न्यूज मधेश प्रकाशित आइतबार, जेठ २०, २०८१

काठमाडौँ । नेकपा (एकीकृत समाजवादी)ले मधेस प्रदेश सरकारमा सहभागी मन्त्रीहरूलाई फिर्ता बोलाउने तयारी गरेको छ ।

जसपाका मुख्यमन्त्री सरोजकुमार यादव नेतृत्वको सरकार अल्पमतमा परेपछि एकीकृत समाजवादीले आफ्नो पार्टीबाट मन्त्री भएकाहरूलाई फिर्ता बोलाउने तयारी गरेको हो ।

मधेस प्रदेश सरकारबाट एमाले र माओवादी फिर्ता भैसकेका छन् । सो प्रदेशमा नयाँ समीकरणअनुसार एमाले, माओवादी केन्द्र जनमत र एकीकृत समाजवादी मिलेर सरकार बनाउने तयारी छ ।

सोही तयारी अनुसार एकीकृत समाजवादीले यादव नेतृत्वको सरकारमा रहेका भूमि व्यवस्था, कृषि तथा सहकारी मन्त्री गोविन्द बहादुर न्यौपाने र श्रम तथा यातायात मन्त्री बेची लुङ्गेलीलाई फिर्ता बोलाउने तयारी गरेको एकीकृत समाजवादीका एक पदाधिकारीले बताए ।

‘आज हाम्रो पार्टीबाट मन्त्री भएकाहरूलाई फिर्ता बोलाउने र नयाँ सरकार गठन गर्ने तयारी छ’, ति पदाधिकारीले भने, ‘नयाँ सरकार जनमतको नेतृत्वमा बन्छ ।’

यद्यपि सरकारबाट फिर्ता हुनेबारे पार्टी नेतृत्वबाट आइतबार बिहानसम्म कुनै सूचना आइनसकेको मन्त्री न्यौपानेले बताए । एकीकृत समाजवादीका सम्मानित नेता झलनाथ खनालले मधेसमा नयाँ सरकार गठन गर्ने केन्द्रीय सहमति भएकाले सहमति पालना गर्नुको विकल्प नभएको बताए ।

‘केन्द्रीय सहमति अनुसार मधेसमा नयाँ सरकार बन्छ । नयाँ सरकार बन्ने भएपछि हाल सरकारमा रहेका हाम्रा मन्त्रीहरूलाई फिर्ता बोलाएर नयाँ सरकार गठन प्रक्रिया सुरु हुन्छ’, खनालको भनाइ छ ।

कमेन्ट गर्नुहोस्
सम्बन्धित

गणतन्त्र दिवस–२०८१ का अवसरमा राष्ट्रिय समाचार समितिद्वारा आयोजित ‘गणतन्त्रको उपलब्धिःसमृद्धिका लागि पूर्वाधार’ विषयक तस्बिर प्रदर्शनी अवलोकनका क्रममा शुक्रबार जनमत पार्टीका अध्यक्ष डा चन्द्रकान्त राउतलाई स्वागत गर्दै राससका कार्यकारी अध्यक्ष धर्मेन्द्र झा । तस्बिर : किरणराज विष्ट/रासस

जनकपुरधाम । सांस्कृती संरक्षण र विकास साथै प्रवर्द्वन गर्ने उदेश्यले धनुषाको विदेह नगरपाकिकाकाे आयाेजनामा सांस्कृतिक प्रदर्शन कार्यक्रम हुने भएको छ। भोलि शनिबार सांस्कृतिक कार्यक्रम आयोजना गरिएकाे सह-आयाेजक एस. राज प्रोडक्सनसले जनाएको छ ।यस कार्यक्रमा मैथिली र भोजपुरी लोक नृत्य, लोक गायक, गायिका, स्थानीय कलाकारलगायतको सांस्कृतिक प्रस्तुति रहने सह-आयाेजकले जनाएको छ । जनता नमूना मावि गिद्वा […]

काठमाडौं । बढुवा भएका चारजना प्रहरी वरिष्ठ उपरीक्षक (एसएसपी)को पदस्थापन गरिएको छ । प्रहरी प्रधान कार्यालयका अनुसार बिहीबार बढुवा भएका एसएसपीहरू श्यामकृष्ण अधिकारी, रवीन्द्र रेग्मी, भीमबहादुर दाहाल र नान्तीराज गुरुङले दर्ज्यानी चिन्हसँगै जिम्मेवारी पनि पाएका हुन्। अधिकारीले सुदूरपश्चिम प्रदेश प्रहरी कार्यालयअन्तर्गत शान्ति सुरक्षा महाशाखा र रेग्मीको गण्डकी प्रदेश प्रहरी कार्यालयअन्तर्गत शान्ति सुरक्षा महाशाखाको जिम्मेवारी पाएका […]