जनकपुरधाम।जनमत पार्टीका राष्ट्रिय अध्यक्ष डा.सीके राउत एशोसिएशन अफ नेपाली तराईयन इन अमेरिका (एन्टा)को ७ औं माहाधिवेशन भाग लिएर स्वदेश फर्किएका छन् ।
अध्यक्ष डा.राउत आज बिहान स्वदेश फर्किएको जनमत पार्टीका राष्ट्रिय उपाध्यक्ष तथा अनुशासन विभाग प्रमुख ई.दीपक कुमार साहले जानकारी दिए।
संयुक्त राज्य अमेरिकाको राजधानी वाशिङटन डिसीमा एन्टाको ७ औं महाधिवेशनमा अध्यक्ष डा.राउत प्रमुख अतिथिको रुपमा सहभागी भएको थियो।
साथै ,अमेरिकाको विभिन्न स्थानमा छुट्टाछुट्टै कार्यक्रमहरुमा पनि अध्यक्ष डा.राउत सहभागी भएका थिए। एक सप्ताहको अमेरिका भ्रमणपछि आज स्वदेश फर्किएको हो।
अध्यक्ष डा.राउत आज बिहान स्वदेश फर्किएपछि उनलाई जनमत पार्टीका नेताकार्यकर्ताहरु त्रिभुवन अन्तर्राष्ट्रिय विमानस्थल काठमाडौंको प्राङ्गणमा पुगेर स्वागत गरेका छन् ।उनलाई जनमत पार्टीका नेताहरुले खादा लगाएर स्वदेशमा स्वागत गरे।
