०६ आषाढ २०८१, बिहिबार
20-06-2024 , Thu
×

आफ्नै मामाको छोराले विश्वासघात गरेपछि आमा-छोराको विचल्ली !

Logo
न्यूज मधेश प्रकाशित आइतबार, जेठ २७, २०८१

जनकपुरधाम। आफ्नै मामाको छोराले विश्वासघात र ठगी गरेको आरोपमा सिद्धार्थ बैंक जनकपुर शाखाका प्रबन्धक अजय कुमार यादव सहित तीन जनामाथि मुद्दा दायर भएको छ।

आफ्नो व्यावसायमा साझेदारी पार्टनर समेत रहेको बैंकका प्रबन्धक अजय कुमार यादवले आफु बैंकमै रहेकाले विभिन्न पार्टीलाइ पैसा दिनु पर्ने भन्दै छल गरि दस थान खाली चेक लिएर आफ्नो आफन्तको नाममा ९६ लाख रुपैयाँको चेक दिएको जानकारी पिडित राजीव कुमार यादवले पत्रकार सम्मेलन गरि जनाएका हुन्।

प्रबन्धक अजयको मनमा लोभ जागेपछि उनले सोही चेकहरू कब्जामा लिएर आफ्नै व्यवसायिक पार्टनर राजीवलाई ब्ल्याकमेलिङ गरेपछि मनमुटाव शुरु भएको जनाएका छन् ।

चेक दिएको व्यक्ति अभिनन्दन कुमार यादवसँग आफ्नो कुनै किसिमको सरोकार नरहेको राजीव यादवले बताएका छन्।

जिल्ला प्रहरी कार्यालय र जिल्ला प्रशासन कार्यालय धनुषामा लक्ष्मीनियाँ गाउँपालिका वडा नम्बर २ बस्ने राजीव यादवले सिद्धार्थ बैंक जनकपुरका प्रबन्धक अजय कुमार यादव, उनका बुवा विश्वनाथ यादव र उनका आफन्त सबैला नगरपालिका वडा नम्बर ९ बस्ने अभिनन्दन यादवमाथि विश्वासघात अनुचित लेनदेन गरेको भन्दै निवेदन दिएका थिए।

महोत्तरीको बर्दिबास स्थित संचालनमा रहेको जय बाबा ठाकुर वासिंग सेन्टरका संचालक समेत रहेका पिडित राजीव यादवसँग विश्वनाथ यादव, अजय कुमार यादव र अभिनन्दन यादवले साझेदारीमा काम गर्ने भनेर विश्वासमा लिएका थिए जसको कुनै किसिमको लिखित सम्झौता भने गरिएको थिएन्। लगानीको रुपमा वासिंग सेन्टरमा बैंक प्रबन्धक समेत रहेको अजय यादवले १३ लाख रुपैयाँ जति लगानी गरेका थिए ।

अजयले विश्वासमा पारेर विश्वासघात गरेको आरोपसहित उनीमाथि आपराधिक विश्वासघात,अनुचित लेनदेन तथा ठगी मुद्दा दर्ता भएको हो ।

सामुदायिक बैठक,पंचायत, स्थानिय प्रहरी चौकी तथा पारिवारिक छलफलमा पनि नमानेपछि आफु अदालती प्रक्रियामा गएको उनि बताएका हुन्।

यता, राजिवकी आमा पनि आफ्नो आफ्नो दाईनै छोरासँग ठगी गरेको कुरा सत्य रहेको स्पष्ट पार्दै दुःख समेत व्यक्त गरिन्।

यसविषयमा आरोपित सिद्धार्थ बैंक जनकपुर शाखाका प्रबन्धक अजय कुमार यादवलाई प्रतिक्रिया लिनको लागि फोन गरेपछि उनले फोन उठाएर केही बोल्न मान्नुभएन।उनले भने, ‘तपाईंहरु आफ्नै मनले जे मन लाग्छ ,त्यो लेख्ने भनेर फोन काटेको थिए।’

कमेन्ट गर्नुहोस्
सम्बन्धित

जनकपुरधाम । धनुषा र सिरहालाई जोड्ने कमला पुल यस वर्ष पनि नबन्ने भएको छ । निर्माण सम्पन्न भएर उद्घाटन हुनुअगावै भासिएको उक्त पुल तीन वर्ष बितिसक्दा पनि निर्माण हुनसकेको छैन । गत चैत १८ गते पुलको निरीक्षण गर्दै भौतिक पूर्वाधार तथा यातायातमन्त्री रघुवीर महासेठले ठेकेदारलाई असार १५ गतेसम्म पुल निर्माण सम्पन्न गर्न निर्देशन दिनुभएको थियो […]

जनकपुरधाम । प्रत्येक विद्यालयका पाठ्यक्रममा ट्राफिक सम्बन्धी विषय राख्नुपर्ने आवश्यक रहेको मधेश प्रदेशका मुख्यमन्त्री सतिश कुमार सिंहले बताए। बिहिवार जनकपुरधाममा मधेश प्रदेश सरकारका गृह, सञ्चार तथा कानुन मन्त्रालयको आयोजनामा भएको ट्राफिक जनचेतनामूलक कार्यक्रम -२०८१ (ट्राफिक सप्ताह ) समारोहलाई सम्बोधन गर्दै मुख्यमन्त्री सिंहले विद्यालयको पाठ्यक्रममा ट्राफिक सम्बन्धी विषय राखेपछि सडक दुर्घटना कमि आउने बताए। मुख्यमन्त्री सिंहले […]

लहान । सिरहा र सप्तरी जिल्लाको सिमाना रहेको बलान नदीको पूर्वी किनाराको कटान रोक्न सुरक्षाकर्मीले अस्थायी तटबन्ध निर्माण थालेको छ । सप्तरी जिल्ला विपद व्यवस्थान समितिको निर्णयअनुसार मनसुन प्रतिकार्य योजनाअन्तर्गत तटबन्ध निर्माण थालिएको हो । बलान विहुल गाउँपालिका– ४ बेल्हीस्थित निर्माणाधीन बाँधमा बाढीले कटान गरेपछि सशस्त्र प्रहरी बल नेपाल ६ नम्बर गणबाट सशस्त्र प्रहरी निरीक्षक […]