०१ आषाढ २०८१, शुक्रबार
14-06-2024 , Fri
×

जनकपुरमा विद्यालयको जग्गा कब्जा गर्न खोजेपछि तनाव !

Logo
न्यूज मधेश प्रकाशित सोमबार, जेठ २८, २०८१

जनकपुरधाम ।जनकपुरधामको शिवपुरमा अवस्था तनावग्रस्त बनेको छ । समुदायिक विद्यालयको जग्गामा मुस्लिम समुदायले कब्जा गर्न खोजेपछि अवस्था तनावग्रस्त बनेको हो ।

जनकपुरधाम उपमहानगरपालिका वडा नम्बर १९ शिवपुरस्थित रहेको जनता माविको करिब ३ कठ्ठा जग्गा मुस्लिम समुदायले कब्जा गर्न खोजेपछि अवस्था तनावग्रस्त बनेको हो ।

पुलचोकभन्दा उत्तर र ५२ विघाभन्दा मात्र १०० मिटरको दुरीमा रहेको जनता माविको करिब ३ कठ्ठा जमिनमा मुस्लिम समुदायले नमाजको लागि स्थल बनाउनुपर्ने अडानमा रहेका छन् । सो जमिनमा यसअघि नै मधेश प्रदेशको स्वास्थ्य मन्त्रालयबाट योगशिविर भवनको लागि बजेट आएकोमा मुस्लिम समुदायहरुले त्यहाँ भवन बन्न दिएनन् ।

भवन बन्न नदिएपछि मन्त्रालयका सचिव एवम् समाजसेवी समेत रहेका डा. प्रमोद कुमार यादवले आफ्नो नीजी ९ धुर जग्गा दिएर योगशिविर भवन बनाउने प्रयास गरेका थिए । सोही विद्यालयको जमिनको पछाडी रहेको डा. प्रमोदको जग्गामा योगशिविर बनाउने प्रस्ताव भएको थियो ।

सो जग्गा डा. प्रमोदले समाजिक हकहितको लागि दान दिएका थिए, तर त्यहाँसम्म पुग्न सोही विद्यालयको जग्गा भएर जानुपर्ने बाटो मात्र भएकोमा बाटो छुटयाउन भनेपछि मुस्लिम समुदायले विवाद उचालेको बताईएको छ ।

७ बर्षदेखि विवादित रहेको सो जग्गामा अदालतले मुस्लिम समुदायलाई दुई समय नमाज पढन अनुमति दिएको थियो । तर बाटो नलागेको अवस्थामा समाजिक रुपमै योगशिविर भवनसम्म आवतजावतको लागि बाटो छुटयाइदिन भनेपछि मुस्लिम समुदायले बलजोरी गरेपछि विवाद उत्पन्न भएको हो ।

योगशिविरको लािग सो जग्गा नदिएपनि कमसेकम बाटो दिनुपर्ने धारणा त्यहाँका समाजको थियो । तर, मुस्लिम समुदायले भने बाटो समेत नदिने अडान गरेपछि बाँकीका समुदायले प्रतिवाद गरेको जनाईएको छ ।

अहिले सो स्थानमा मोटो सँख्यामा प्रहरी परिचालन गरिएको छ । धनुषाका एसपी भुवनेश्वर तिवारीको कमाण्डमा मोटो सँख्यामा प्रहरी परिचालन गरिएको हो । अवस्था अहिले तनावग्रस्त रहेको छ भने मिलाउने प्रयास भईरहेको छ ।

कमेन्ट गर्नुहोस्
सम्बन्धित

जनकपुरधाम । सांस्कृती संरक्षण र विकास साथै प्रवर्द्वन गर्ने उदेश्यले धनुषाको विदेह नगरपाकिकाकाे आयाेजनामा सांस्कृतिक प्रदर्शन कार्यक्रम हुने भएको छ। भोलि शनिबार सांस्कृतिक कार्यक्रम आयोजना गरिएकाे सह-आयाेजक एस. राज प्रोडक्सनसले जनाएको छ ।यस कार्यक्रमा मैथिली र भोजपुरी लोक नृत्य, लोक गायक, गायिका, स्थानीय कलाकारलगायतको सांस्कृतिक प्रस्तुति रहने सह-आयाेजकले जनाएको छ । जनता नमूना मावि गिद्वा […]

काठमाडौं । बढुवा भएका चारजना प्रहरी वरिष्ठ उपरीक्षक (एसएसपी)को पदस्थापन गरिएको छ । प्रहरी प्रधान कार्यालयका अनुसार बिहीबार बढुवा भएका एसएसपीहरू श्यामकृष्ण अधिकारी, रवीन्द्र रेग्मी, भीमबहादुर दाहाल र नान्तीराज गुरुङले दर्ज्यानी चिन्हसँगै जिम्मेवारी पनि पाएका हुन्। अधिकारीले सुदूरपश्चिम प्रदेश प्रहरी कार्यालयअन्तर्गत शान्ति सुरक्षा महाशाखा र रेग्मीको गण्डकी प्रदेश प्रहरी कार्यालयअन्तर्गत शान्ति सुरक्षा महाशाखाको जिम्मेवारी पाएका […]

म्याग्दी। बेनी नगरपालिका-६ डाँडाबारीमा सडक निर्माण भएको १८ वर्षपछि कालोपत्र र ढलान भएको छ । विसं २०६४ मा निर्माण गरिएको महारानीथान–छाप–डाँडाखेत सडक योजनामार्फत बेनी नगरपालिका-६ को ढलेढुङ्गा-डाँडाबारी खण्डमा कालोपत्र भएको हो । गण्डकी प्रदेश सरकार र बेनी नगरपालिकाको साझेदारीमा सडक विस्तार, नाली, पर्खाल निर्माण गरी ढलान र कालोपत्र भएको बेनी-६ का वडाध्यक्ष कृष्णसिंह बानियाँले जानकारी […]