०१ साउन २०८१, बुधबार
17-07-2024 , Wed
×

बजेट दुरुपयोगको नमूना : नदीमा सार्वजनिक दलान

Logo
न्यूज मधेश प्रकाशित बुधबार, आषाढ ०५, २०८१

जनकपुरधाम । धनुषाको हंसपुर नगरपालिका–४ सुुगामदुकरहि मुहार टोलमा नदीको मुहान मिचेर सार्वजनिक दलान निर्माण गरिएको सहजै देख्न सकिन्छ ।

त्यो दलान मधेश प्रदेश सरकारको भौतिक पूर्वाधार विकास मन्त्रालयको १५ लाख रुपैयाँको बजेटबाट निर्माण गरिएको हो । उक्त दलान नदीको मुहानमै निर्माण गरिएको छ । जसको कुनै औचित्य छैन । यस निर्माण कार्यले सरासर बजेटको दुरुपयोग गरिएको जोकोहीले पनि सहजै अनुमान लगाउन सक्छन् ।

यस्ता दलान र मन्दिर निर्माणमा राज्यको ठूलो लगानी खर्च भएको पाइन्छ । स्थानीय पालिकाका वडा कार्यालयदेखि प्रदेश सरकारले समेत मन्दिर र दलान निर्माणमा लगानी गरेका छन् । अझ कतिपय मन्दिर र दलानमा त पहुँच हुनेले संघीय सरकारबाट समेत बजेट मिलाएका छन् । केही दलान र मन्दिर भने सम्बन्धित सरोकारवालाले चन्दा संकलनबाट निर्माण गरेको पाइएको छ ।

राज्यको लगानीमा निर्माण भएका यी मन्दिर र दलानहरु वर्षभरी प्रायः बन्द नै रहन्छन् । प्रदेश सरकारले मात्रै मन्दिर र दलानका नाममा बर्सेनी करोडौं रुपैयाँ भन्दा बढी खर्च गर्ने गरेको छ । सरकारले आगामी आर्थिक वर्षको बजेटमा पनि करोडौं रकम मन्दिर र दलानका नाममा छुट्याएको छ । यसअघिका वर्षहरुमा समेत प्रदेश सरकारले मन्दिर र दलानका नाममा यही हाराहारीको रकम खर्च गरेको पाइएको छ ।

वडा कार्यालयदेखि प्रदेश सरकारले मन्दिर र दलानका नाममा खर्च गरेको अधिकांश रकम दुरुपयोग भएको छ । कतिपय मन्दिर नै नभएको ठाउँमा बजेट खर्च भएको पाइएको छ भने कतिपय स्थानमा बिना काम लाखौंको लगानीमा दलानहरु निर्माण गरिएका छन् ।

स्थानीय अरुण कुमार मण्डलले भने, ‘सुगामदुकरहि मुहार टोलमा नदीको मुहान मिचेर सार्वजनिक दलान निर्माण कार्य गरि नेपाल सरकारको बजेट दुरुपयोग गर्नुका साथै मानव अधिकारको हनन्समेत गरिएको छ । सार्वजनिक दलानका लागि अधिकांश ऐलानी जग्गाहरु रहेपनि नदीको मुहानमै दलान बनाउनु बजेटको दुरुपयोगबाहेक अरु केही होइन ।’

उनले त्यस ठाउँमा दलान निर्माण नगर्द अदालतबाट निषेधाज्ञा जारी भएपनि त्यसको बेवास्ता गर्दै उपभोक्ता समितिका अध्यक्ष प्ुरुषोत्तम मण्डलले मन्त्रालयका कर्मचारीसँगको मिलोमतो र कमिशनको खेलमा नदीको किनारमा अवैधानिक तवरले रातारात दलान निर्माण गरेको आरोपसमेत लगाए ।

सेही वडाका वडाध्यक्ष लालबाबु यादवले यस निर्माण कार्यले स्थानीयलाई कुनै सहज नहुने बरु उल्टै कृषी क्षेत्रलाई असर गर्ने दावी गरेका छन् ।

उनले माटो परिक्षण नै नगरि चोरबाटोबाट उपभोक्ता समिति बनाएर दलान निर्माण कार्यलाई मूर्त रुप दिइएको जिकिर गरेका छन् । उनले सरकारी बजेट हिनामिना गर्ने उदेश्य निर्माण कार्य गरिएको र यसका लागि वडालाई पनि कुनै सोधखोज नगरिएकोप्रति आक्रोश व्यक्त गर्दै स्थानीयलाई तत्काल निर्माण कार्य रोक्न सहयोगका लागि अपिलसमेत गरेका छन् ।

यस सम्बन्धमा उपभोक्ता समितिका अध्यक्ष प्ुरुषोत्तम मण्डलसँग सम्पर्क गर्न खोज्दा सम्पर्क हुन सकेन ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]