जनकपुरधाम ।मधेश प्रदेशमा आमूल परिवर्तनको पक्षमा रहेको सरकारको मुख्यमन्त्री सतिश कुमार सिंहले कृषि क्रान्तिको सुरुवात गरेका छन् ।
समग्र विकाससंगै कृषिलाई व्यवस्थित बनाउन प्रदेश सरकारले कृषि फार्मिङ्गको अवधारणा ल्याउन लागेको हो ।
युवा र समृद्धिका सम्वाहक मुख्यमन्त्री सतिश कुमार सिंहले मधेशको उर्वरभूमिलाई अधिकतम प्रयोग गरि कृषिमा आत्मनिर्भर बनाउन एक पलिका एक मोडल कृषि फार्म स्थापना गर्ने बताएका छन्।
मधेश प्रदेशको बार्षिक नीति तथा कार्यक्रम र बजेटमा समेत योजना समावेश गरेको बताएका छन्। मुख्यमन्त्री सिंहले किसानलाई व्यावसायिक बनाउन र उर्वर माटोको अवस्था अनुसारको लाभ लिन पनि कृषि उत्कृष्टता केन्द्रहरुले सहयोग गर्ने बताए ।
भाटभटेनीका संचालक मीनबहादुर गुरुङसँगको छलफलमा मुख्यमन्त्री सिंहले मधेश प्रदेशमा कृषि विकासको मोडल तयारी गरि कार्यक्रम संचालन गर्न लागेको बताए।
भाटभटेनीले प्रदेशको कृषि उत्पादनलाई बजारिकरणमा सहयोग गर्ने गुरुङले बताए । यसका साथै भाटभटेनीले मधेश प्रदेश सरकारलाई दुईवटा सुबिधा सम्पन्न एम्बुलेन्स उपलब्ध पनि गराउने बताए ।
