जनकपुरधाम । रौतहटको चन्द्रपुर नगरपालिकामा जनता समाजवादी पार्टी नेपालका नगर अध्यक्ष चन्द्रकिशोर बैठासहित तीन दर्जनभन्दा बढी नेताकार्यकर्ताहरु जनमत पार्टीमा प्रवेश गरेका छन् ।
बिहीबार चन्द्रपुरमा आयोजित दोस्रो नगर अधिवेशन तथा पार्टी प्रवेश कार्यक्रममा जसपासहित विभिन्न पार्टीका तीन दर्जनभन्दा बढी नेताकार्यकर्ताहरु जनमत पार्टी प्रवेश गरेका हुन् ।
पार्टी प्रवेश गर्नेहरुमा जसपाका जिल्ला सदस्य राम नाथ साह,टेक नारायण धामी ,नगर अध्यक्ष चन्द्र किशोर बैठा,उपाध्यक्ष अमर बहादुर बिकलगाइत ४० जना जसपा परित्याग गर्दै जनमत प्रवेश गरेको छ।
नवप्रवेशीहरुलाई जनमत पार्टीका युवा अध्यक्ष संजय यादव र युवा नेता कल्याण राउतले माला र टीका लगाएर पार्टी प्रवेश गराइएको छ।
साथै ,जनमत पार्टी चन्द्रपुर नगरपालिकाको दोस्रो नगर अधिवेशनबाट अभिषेक खड्काको नेतृत्वमा २७ सदस्यीय निर्वाचित नगर कार्यसमिति गठन गरिएको हो।
