०२ साउन २०८१, बिहिबार
18-07-2024 , Thu
×

पार्टीलाई क्षति हुनेगरी अधिवेशन नगर्न जनमत उपाध्यक्ष खानकाे निर्देशन

Logo
न्यूज मधेश प्रकाशित बिहिबार, आषाढ २०, २०८१

जनकपुरधाम । जनमत पार्टीले पालिका अधिवेशन सर्वसम्मतिबाट शान्तिपूर्ण रूपमा हुन सके मात्रै सम्पन्न गर्न पालिका समितिलाई निर्देशन दिएको छ । सो पार्टीले बिहीबार सम्बन्धित पार्टी संगठनलाई उक्त निर्देशन दिएको हो ।

जनमत पार्टीले पालिका अधिवेशन गर्दैछ । सो अधिवेशनका क्रममा कतिपय ठाउँमा विवाद तथा पार्टी हितविपरीत कार्य हुने गरेको प्रति पार्टीको ध्यानाकर्षण भएको पार्टीका उपाध्यक्ष अब्दुल खानले बताए ।

पार्टीको छविलाई नै आघात पर्नेगरी तथा पार्टीको हित विपरीत विभिन्न किसिमका विकृति, प्रचारबाजी, गुटबन्दी र झैझगडा भएको पाइएको समेत उपाध्यक्ष खानले जारी गरेको सर्कुलरमा उल्लेख छ ।

कुनै पनि ठाउँमा शान्तिपूर्ण र अनुशासित तवरले तथा सर्वसम्मतिले पदाधिकारी चयन हुन सके मात्र अधिवेशन गर्न उपाध्यक्ष खानले निर्देशन दिएका छन् ।

पार्टीलाई नै आघात पुग्नेगरी कुनै पनि किसिमको अनावश्यक गुटबन्दी, विरोध, हुलहुज्जत आदि हुने सम्भावना भएमा सो ठाउँमा केन्द्रीय सचिवालयले पछि अधिवेशन गर्ने जनाउँदै उनले त्यस्ता ठाउँमा तत्काल अधिवेशन स्थगित गर्न समेत आग्रह गरेका छन् ।

साथै अधिवेशनका क्रममा कसैले पार्टीलाई आघात पुग्नेगरी अनुशासनहीन गतिविधिमा संलग्न रहेको पाइएमा उनीहरूका नाम, पद तथा ठेगाना उपलब्ध गराई दिन समेत उनले आग्रह गरेका छन् ।

पार्टीलाई बदनाम गर्नेगरी गुटबन्दी र झैझगडा गर्नेहरूलाई कालोसूचीमा राख्नेदेखि पार्टीबाट निष्कासन समेत गर्न सकिने चेतावनी उपाध्यक्ष खानले दिएका छन् ।

कमेन्ट गर्नुहोस्
सम्बन्धित

जनकपुरधाम । मधेस सरकारले ल्याएको बजेटमा आजबाट कामकाज सुरु गर्नको लागि अख्तियारी दिएको छ । प्रदेश सरकारले चालू आर्थिक वर्ष २०८१/०८२ को बजेट खर्च गर्न अख्तियारी प्रदान गरेको हो । अर्थ मन्त्रालयको समेत जिम्मेवारीमा रहेका मुख्यमन्त्री सतिश सिंहले बिहीबार सबै मन्त्रालय, विभागीय प्रमुख तथा कर्मचारीहरूलाई बोलाएर सरकारले ल्याएको बजेट रकम खर्च गर्न निर्देशन दिएका हुन् […]

टीकापुर । लामो प्रतीक्षापछि टीकापुर अस्पतालमा ‘हेमोडाइलिसिस’ सेवा सुरु भएको छ । अस्पतालमा गएको असार ३१ गतेदेखि सेवा सुरु भएको हो । सेवा सञ्चालनका लागि अस्पतालले रु ४० लाख खर्च भएको अस्पतालका चिकित्सक डा सन्देश पण्डितले बताउनुभयो । एक विशेषज्ञ चिकित्सक, चार नर्सिङ स्टाफ र दुईजना सहयोगीलाई सेवा सञ्चालनका लागि तालिम दिइएको छ । “फूल […]

काठमाडौँ । हाल देशभर मनसुनी वायुको प्रभाव रहेको तथा मनसुनको न्यून चापीय रेखा भने सरदर स्थानको दक्षिण तर्फ रहेको जल तथा मौसम विज्ञान विभागले जनाएको छ । देशभर साधारणतया बदली रही गण्डकी, कोशी, बागमती लुम्बिनी, मधेस, कर्णाली र सुदुरपश्चिम प्रदेशका एक–दुई स्थानहरुमा हल्कादेखि मध्यम वर्षा भइरहेको छ । विभागका अनुसार आज दिउँसो देशभर आंशिकदेखि साधारणतया […]