०८ साउन २०८१, बुधबार
24-07-2024 , Wed
×

मधेशमा मुख्यमन्त्री सिंहलाई निरन्तरता दिन कांग्रेस–एमाले सहमत

Logo
न्यूज मधेश प्रकाशित शुक्रबार, आषाढ २१, २०८१

जनकपुरधाम । मधेश प्रदेशमा मुख्यमन्त्री सतिश कुमार सिंह नेतृत्वको सरकारलाई निरन्तरता दिन कांग्रेस -एमाले सहमत भएको छ ।

नयाँ सत्ता समीकरणको सहमति गरिसकेका नेपाली कांग्रेस र नेकपा एमाले मधेश प्रदेशको नेतृत्व जनमत पार्टीलाई दिन तयार भएको हो । बाँकी ६ प्रदेशको नेतृत्वबारे भने कांग्रेस र एमालेले निर्णय गरिसकेको छ ।

तर मधेश प्रदेशमा भने यी दुई मिलेर मात्रै बहुमत पुग्दैनथ्यो । मधेशमा एमालेसँग सभामुख सहित २५ र कांग्रेससँग २२ सिट छ ।

तर १०७ सदस्यीय प्रदेश सभामा सरकार बनाउन ५४ सांसद आवश्यक पर्छ । तसर्थ कुनै तेस्रो दललाई लिनुपर्ने बाध्यतामा कांग्रेस–एमाले थिए ।

यस्तोमा एमालेले जनमत पार्टीकै नेतृत्व स्वीकारेर जानुपर्ने प्रस्ताव गरेको थियो । माओवादी केन्द्र सहितको सत्ता समीकरण टिकाउने गठजोडकै बेला जनमत पार्टीका सतिशकुमार सिंह गत २५ जेठमा मुख्यमन्त्री नियुक्त भएका थिए ।

मुख्यमन्त्री नियुक्त भएको ३० दिनभित्र प्रदेश सभामा बहुमत देखाउनुपर्ने संवैधानिक व्यवस्था भएकाले भोलि प्रदेश सभा बैठक बोलाइएको छ ।

बैठकको अघिल्लो दिन कांग्रेस–एमालेले विश्वासको मत दिन तयार भएको हो । जनमत पार्टीसँग प्रदेश सभामा १३ सांसद छन् । अर्थात कांग्रेस र एमालेको साथ पाएपछि सिंहले प्रदेश सभाको बहुमत पाउने भएका छन् ।

एमालेले प्रदेश सभा बैठक राखेरै सिंहलाई विश्वासको मत दिने निर्णय भएको छ । कांग्रेस नेता रमेश लेखकका अनुसार, कांग्रेसले पनि सिंहलाई विश्वासको मत सहमति भइसकेको छ ।

यी तीन दल बाहेक प्रदेशसभामा नेकपा माओवादी केन्द्रसँग ९, लोकतान्त्रिक समाजवादी पार्टीसँग ९, एकीकृत समाजवादीसँग ८, नागरिक उन्मुक्ति पार्टी र नेपाल संघीय समाजवादी पार्टीसँग १–१ सिट छन् ।

कमेन्ट गर्नुहोस्
सम्बन्धित

सर्लाही । पूर्वराज्यमन्त्री रामचन्द्र रायको पार्थिव शरीर दाहसंस्कारका लागि लगिँदै । मलङ्गवा नगरपालिका–४, पुर्खेयौली घर भएका ८० वर्षका रायको चन्द्रनगर गाउँपालिका–१ स्थित घरमा आइतबार राति धारिलो हतियार प्रहार गरी हत्या भएको थियो ।

वीरगञ्ज । पर्सा सशस्त्र प्रहरी बल नेपाल नं १३ गणले गत आर्थिक वर्षमा रु ३४ करोड २७ लाख ७८ हजार तीन सय ३३ मूल्य बराबरका बिलबीजक नभएका र भन्सार छली गरेका सामान बरामद गरेको छ । सशस्त्र प्रहरी बल नेपाल १३ नं गणका प्रमुख राधेश्याम धिमालले आव २०७९र८० को तुलनामा आव २०८०र८१ मा नौ करोड […]

जनकपुरधाम । मधेश प्रदेश सरकारका वन तथा वातावरण मन्त्री त्रिभुवन साहले सहिद राम मनोहर यादव पार्क निर्माण गर्नको लागि जग्गा निरिक्षण गरेका छन् । सोमबार सप्तरीको तिरहुत गाउँपालिकास्थित बरखण्डित बाबा महादेव मन्दिर नजिकै स्वराज आन्दोलनको क्रममा सहिद राम मनोहर यादवको पार्क निर्माण गर्नको लागि मधेश सरकारका वन मन्त्री त्रिभुवन साहसहितको टिम जग्गा निरिक्षण गरेका हुन् […]