०४ साउन २०८१, शनिबार
20-07-2024 , Sat
×

सामुदायिक विद्यालयको शैक्षिक तथा भौतिक अवस्था सुधारमा लहानको जोड

Logo
न्यूजमधेश प्रकाशित मंगलबार, आषाढ २५, २०८१

सिरहा । जिल्लाको लहान नगरपालिकाले सामुदायिक विद्यालयको शैक्षिक गुणस्तरलाई सुधार्न प्रविधिमैत्री शैक्षिक सामग्री वितरण, जनशक्ति व्यवस्थापन तथा विद्यालयको भौतिक स्तरोन्नतिमा जोड दिएको छ ।

नगरपालिकाले विद्यालयको शिक्षण सिकाइलाई व्यावहारिक र प्रविधिमैत्री बनाउन एक विद्यालय एक कम्प्युटर प्रयोगशाला, एक कक्षा एक शिक्षक र कक्षा कोठा सुधारका लागि आर्थिक वर्ष २०७९÷८० मा रु छ करोड र यस चालु आवमा रु आठ करोड विनियोजन गरेको थियो ।

नगरप्रमुख महेशप्रसाद चौधरीले सामुदायिक विद्यालयको अवस्था सुधार गर्न आफूले जोड दिएको बताउनुभयो । त्यसका लागि यसवर्ष तीन सय ३० डेक्स, वेञ्च र ३६ थान कम्प्युटर र प्रिन्टर वितरण गरिएको बताउँदै चौधरीले विद्यालयका आवश्यकता पहिचान गर्नुका साथै सघन अनुगमन गरेर विद्यालयको शैक्षिक सुधार कार्यक्रमलाई प्राथमिकतामा राखिएको जानकारी दिनुभयो । ‘‘शिक्षाको विकासलाई प्राथमिकतामा राखिएको छ । एकविद्यालय एक शिक्षक कार्यक्रमअन्तर्गत एक सय २५ जना स्वयंसेवक शिक्षक भर्ना गरिएको छ । लगानीअनुसार सामुदायिक विद्यालयमा यस वर्ष एसइईको परिणामसमेत सन्तोषजनक आएको छ”, चौधरीले भन्नुभयो, “नगरका ५९ वटै सामुदायिक विद्यायलको शैक्षिक गुणस्तर तथा भौतिक अवस्था सुधारका लागि प्रयत्नशील रहेका छौँ ।’’

नेपाल शिक्षक सङ्घ लहानका अध्यक्ष नारायण साह फर्निचर, कम्प्युटरको व्यवस्था, पर्खाल तथा कक्षा कोठा निर्माण कार्यमा लहान नगरपालिकाले गरेको लगानीबाट सामुदायिक विद्यालयमा राम्रो सुधार हुँदै गएको बताउनुहुन्छ ।

सहिद रमेश महतो आधारभूत विद्यालयका प्रधानाध्यापक उपेन्द्र महतोले विद्यालयको शैक्षिक अवस्था सुधारका लागि शिक्षकलाई प्रोत्साहन र भौतिक सामग्रीको अभावपूर्ति गर्न देखाएको तदारुकताको प्रशंसा गर्नुभयो । उहाँले भन्नुभयो, ‘‘नगरपालकाको नियमित अनुगमनले शैक्षिक सुधारमा थप हौसला मिलेका छ । त्यसैगरी विद्यालयमा अभाव रहेका शैक्षिक सामग्रीसमेत उपलब्ध गराउँदै निकै राहत भएको छ । यसले यहाँको शैक्षिक गुणस्तर सुधारमा समेत योगदान पु¥याएको छ ।’’

लहान नगरपालिकाले सामुदायिक विद्यालय सुधारमा जोड दिए पनि विद्यार्थीको आकर्षण भने अझै बढाउन नसकिएको स्थानीयको भनाइ छ । दलित जागरण अभियानका केन्द्रीय अध्यक्ष राजेश विद्रोहीले यहाँका अधिकांश सामुदायिक विद्यायलमा गरिब, विपन्न तथा दलित बस्तीका बालबालिका मात्रै अध्ययन गरिरहेका बताउनुभयो । उहाँले भर्नादर धेरै देखिएता पनि विद्यालयमा उपस्थिति न्यून हुने गरेकाले यसतर्फ पनि नगरले ध्यानदिनुपर्ने उहाँको सुझाव छ ।

कमेन्ट गर्नुहोस्
सम्बन्धित

भैरहवा । मोहर्रम पर्व धुमधामका साथै मनाइँदै छ । हसन र हुसेनको प्रतीकस्वरुप ताजिया निर्माण गरी यो पर्व मनाइँदै छ । रुपन्देहीमा मुस्लिम मात्र होइन हिन्दू धर्मालम्बीले पनि ताजिया बनाई विधिवत रूपमा पूजाअर्चना गरेका छन् । भैरहवा गाउँका पाचु ठाकुर यो पर्वप्रति आफ्नो प्रगाढ आस्था रहेको बताउनुहुन्छ । वाञ्छित मनोकामना पूर्ण हने आशामा वा पूर्ण […]

काठमाडौँ । बूढानीलण्ठ नगरपालिका– १२, कपन फैँकाकी नीरा कोइराला उमेरले ५१ वर्ष पुग्नुभयो । उहाँ ओखलढुङ्गाको रातमाटेमा जन्मिनुभएको हो । सानोमा उहाँले विद्यालय टेक्नै पाउनुभएन । “छोरी मान्छेको जात अरुको घर जाने हो किन पढ्नुपर्‍यो भन्ने चलन थियो”, उहाँले भन्नुभयो, “पढ्ने उमेर घाँसपात मेलापात गर्दैमा बित्यो । बिहेपछि छोराछोरी हुर्काउँदै ठिक्क भइयो ।” उहाँका चार […]

सोलुखुम्बु । यहाँको खुम्बु पासाङल्हामु गाउँपालिका–४ मा पर्ने दिङ्बोचेका गाउँलेले यसवर्ष पनि एक महिनाका लागि गाउँ छाडेका छन् । यसरी गाउँ छोड्ने परम्परालाई यहाँका स्थानीय शेर्पा समुदायले ‘डिइ’ भन्ने गर्छन् । बौद्ध परम्पराअनुसार एक महिना देवतालाईसमेत् आराम दिन, गाउँ शान्त बनाउन गाउँ छोड्नुपर्ने मान्यता यहाँको शेर्पा समुदायमा छ । दिङ्बोचे समुन्द्री सतहबाट चार हजार चार […]