ललितपुर । ईयुको सहयोगमामा क्रिएसन नेपालद्वारा संचालित ग्रिनसिफ्ट परियोजना अन्तर्गत ललितपुर उपमहानगरपालिकाका चार वेस्ट स्मार्ट स्कुलबीच अन्तर बिद्यालय हाजिरीजवाफ प्रतियोगिता सम्पन्न गरेको छ ।
शुक्रबार ललितपुरमा आयोजित प्रतियोगितामा आदर्श शौल माध्यमिक विद्यालयले प्रथम स्थान हासिल गरेका थिए ।
त्यस्तै, श्रमजित किसोर माध्यमिक विद्यालयले दोस्रो र प्रभात माध्यमिक विद्यालयले तेस्रो स्थान हासिल गरेका छन ।
बिजेता विद्यालयका बिद्यार्थीहरुलाई पुरस्कार, प्रमाणपत्र र गिफ्ट ह्याम्पर प्रदान गरेका थिए ।
ग्रिनसिफ्ट परियोजना अन्तर्गत ललितपुर उपमहानगरपालिकामा संचालित चार वेस्ट स्मार्ट स्कुलहरु आदर्श साउला युबक माध्यमिक विद्यालय सैंबु, प्रभात माध्यमिक विद्यालय त्यागल, बाल बिनोद माध्यमिक विद्यालय नस् टोल – खाल) र श्रमजित किशोर माध्यमिक विद्यालय, लुन्खुशीका बिधार्थीहरु भाग लिएका थिए । प्रत्येक बिधालयबाट पाँच पाँच जनाको समुहले विभिन्न राउन्डमा सोधिएका प्रश्नहरुको उतर दिएका थिए ।
यस्ता कार्यक्रमले बिद्यालय स्तरमा बिद्यार्थीहरुको जनचेतनास्तर वृद्धि गर्न र जागरुकता फैलाउन मदत पुग्ने परियोजनाका सन्चार अधिकृत नीति प्रधानले बताइन । उनले बिद्यार्थीहरुलाई स्कुल तहमै फोहोरमैला ब्यबस्थापन, जलवायु परिवर्तन र पर्यावरण संरक्षणका लागि महत्वपूर्ण कोशेढुगांसाबित हुने बिश्वास ब्यक्त गरिन ।
सहभागी बिद्यार्थीहरुलाई प्लास्टिकजन्य फोहोरमैला व्यवस्थापन, पर्यावरण र जलवायु परिवर्तन सम्बन्धित पाँच राउन्डमा प्रश्नहरु सोधिएको थियो ।
ईयूको सहयोगमा ग्रिनसिफ्ट परियोजना चार बर्ष समायवधिका लागि बागमती, मधेश र लुम्बिनी गरी तीन प्रदेशको विभिन्न नौ स्थानीय तहमा प्लास्टिकजन्य फोहोरमैला ब्यबस्थापन र चक्रीय अर्थतन्त्र प्रबद्र्धन गर्नका लागी विभिन्न क्रियाकलाप सन्चालन गरीरहेको छ। क्रिएसनको नेतृत्वमा रेस्टलेस डेभलम्पमेन्ट र यूथ इनोभेसन ल्याब परियोजनाको कन्सोर्टियम पार्टनरका रुपमा रहेका छन ।
