लहान। सिरहाको लहान नगरपालिका १ स्थित ट्राफिक प्रहरीले लामो दुरीका बस,मिनि बस ,हाइयस आदिमा बढी भाडा लिएको भाडा फिर्ता गराएको छ ।
सिरहाको लहान नगरपालिका-१ पुर्व पश्चिम लोकमार्ग स्थित सडकमा ईलाका प्रहरी कार्यालयका प्रमुख प्रहरी निरीक्षक खगेन्द्र एक्तेनको कमाण्डमा लामो दुरिमा चल्ने यात्रुवाहक बस तथा माईक्रो बसमा सवार यात्रुहरुसँग सोधपुछ गरी बढी भाडा लिएको भाडा फिर्ता गराएको हो ।
उक्त भडाको बिषयमा लिए नलिएको सोधपुछ गरी बढी भाडा लिने सवारी साधनका चालकहरुसँगबाट यात्रुहरुलाई बढी लिएको भाडा फिर्ता गराई चालक, सहचालक तथा यात्रुहरुसँग ट्राफिक सचेतना कार्यक्रमको साथै बडा दशै, तिहार र छठको शुभ कामना समेत आदान प्रदान गरिएको प्रहरीले जनाएको छ ।
