जनकपुरधाम । भारत तस्करी गर्न लागेको ३९ वटा गाईबच्छाबाच्छी सहित तीनजनालाई सशस्त्र प्रहरीले धनुषाबाट नियन्त्रणमा लिएको छ ।
भारत तर्फ तस्करी गर्ने उद्देश्यले धनुषाको विदेह नगरपालिका २ स्थित जागिर टोलबाट बथानमा रहेको ३६ गाई र ३ बाच्छाबाच्छी सहित ३ जनालाई पक्राउ गरेको भन्सार सुरक्षा बेस क्याम्प जनकपुरले जनाएको छ ।
सशस्त्र निरीक्षक प्रकाश भट्ट नेतृत्वको गस्तीले टोलीले गाईबस्तुसहित उनीहरुलाई पक्राउ गरेको हो । तस्करको परिचय प्रहरीले खुलाएको छैन । गाईवस्तुको मूल्य डेढलाख मूल्य रहेको जनाएको छ । तस्करसहित गाई भन्सार कार्यालय जनकपुरलाई बुझाउने तयारी भएको जनाएको छ ।साभार: टुडेपाटि
