सिरहा ,२० साउन। सिरहाको औरही गाउँपालिका अध्यक्ष शिवजी यादव विरुद्ध छानबिन समिति गठन भएको छ। उपेन्द्र यादव नेतृत्वको जनता समाजवादी पार्टी नेपालबाट निर्वाचित अध्यक्ष यादव विरुद्ध आफ्नै पार्टीले भ्रष्टाचार,अनियमितता र मनपरि गरेको भन्दै पालिका स्तरमा ७ सदस्य छनबिन समिति गठन गरेका छन्।
निर्वाचित भएदेखि एकलौटी र मनपरि गरेको , पालिकामा भ्रष्टाचार मौलाएको , खुलमखुला कमिसनको लेनदेन भैरहेको , कर्मचारीहरु संग विभेद गर्ने गरेको लगायतका बिषयमा छानबिन गरि पन्ध्र दिन भित्र प्रतिबेदन बुझाउन समितिलाई समय सिमा दिएको छ। छनबिन समितिको प्रतिबेदन पस्चात आवश्यक कार्वाही गर्ने समितिको तयारी छ।
जसपा नेता एबम औरही गाउँपालिका वडा न.३ का वडा सदस्य मोहित नारायण यादवको नेतृत्वमा गठित समितिले छनबिन शुरु गरेका छन् । गाउँपालिका अध्यक्ष शिवजी यादव आफै पार्टीको गाउँपालिका कमिटीको अध्यक्ष पनि हुन।
पार्टीले छानबिन शुरु गरेपछि अध्यक्ष यादव आफु चोखो देखाउन र सबै घटनाको कारण प्रमुख प्रशासकीय अधिकृत उपर थुपार्न केही कर्मचारीगरुलाई प्रयोग गरेर आन्दोलनको नाटक मञ्चन गरिरहेका छन्। जसमा केही कर्मचारीहरु पनि मतियारको रुपमा प्रयोग भैरहेको छ।
कर्मचारीको जिम्मेवारी हेरफेर देखि अन्य सबै क्रियाकलाप अध्यक्ष यादवकै इसारा र निर्देशन भएको स्रोतको दावि छ।
