जनकपुरधाम,२३ साउन । मधेश सरकारविरुद्ध निकालिएको कुर्सी जुलुसमा चलचित्र तथा लोकसंचार प्रवर्धन बोर्डकी सदस्य पुष्पा यादव पनि सहभागी बनेकी छन् ।
बोर्ड मधेश सरकार मातहतकै छन् । उनलाई तत्कालीन जसपा नेपालका लालबाबु राउत नेतृत्वको सरकारले बोर्ड सदस्यमा नियुक्त गरेको थियो ।
वर्तमान मुख्यमन्त्री सतिश कुमार सिंहले मन्त्रिपरिषद् २० सदस्यीय पुर्याएपछि जसपा नेपाल समर्थित समाजवादी यूवा संघले आज कुर्सी जुलुस निकालेको थियो । जुलुसको अगाडीमै बोर्ड सदस्य यादव थिइन् ।
सरकारविरुद्धको जुलुसमा बोर्डकी सदस्य यादव सहभागी बनेको भिडिओ र फोटो सार्वजनिक भएपछि सामाजिक संजालमा उनको आलोचना भइरहेको छ । कतिपयले उनलाई सरकारले बर्खास्त गर्नुपर्ने माग गरेका छन् ।
यता मधेश प्रदेशका चलचित्र तथा लोकसंचार प्रवर्धन बोर्डकी सदस्य पुष्पा कुमारी यादवले आफू विद्यार्थीको नेता रहेको हैसियतले कार्यक्रममा सहभागी भएको प्रतिक्रिया दिइएको छ ।
