२८ आषाढ २०८२, आइतबार
13-07-2025 , Sun
×

अदालतबाट भ्रष्टाचारी ठहर व्यक्ति मिटरब्याज पीडितको नेता

Logo
न्यूज मधेश प्रकाशित सोमबार, भाद्र ०२, २०८१

काठमाडौं ,३ भदौ। मिटरब्याज पीडितको संघर्ष समितिमा रहेका सिरहाका रामकुमार यादवलाई अदालतले भ्रष्टाचारी ठहर गरेको पाइएको छ । विशेष अदालतले उनलाई भ्रष्टाचारी ठहर गरेको पाइएको हो ।

यादवलाई पौने ३ वर्षअघि नै अदालतले गलत सिफारिस तथा गैरकानुनी हानी नोक्सान गरी भ्रष्टाचार गरेको मुद्दामा दोषी ठहर गरेको थियो । उनी मिर्चैया नगरपालिका-७ को वडाध्यक्ष हुँदा यो कसुर गरेका थिए ।

त्यतिबेला यो विषय मिडियामा आएपछि सरोकारवाला निकायले चाँसो लिँदै उनीमाथि मुद्दा दायर गरेको थियो । त्यससँगै उनी निलम्बनमा परेका थिए ।

सोही मुद्दामा विशेष अदालतले २०७८ कार्तिक २३ मा फैसला सुनाउँदै यादवलाई ३ महिना कैद र १० हजार रुपैयाँ जरिवाना तोकेको थियो । यस्तै, हानी नोक्सानी भएको ४० हजार ७ सय ७७ रुपैयाँ पनि उनीसँगै भराउने फैसला अदालतले गरेको थियो ।

विशेष अदालतको फैसलामा असन्तुष्टि जनाउँदै उनी सर्बोच्च अदालत गएका थिए । तर, छरपस्ट प्रमाणका कारण त्यहाँबाट पनि उनी उम्किने सम्भावना क्षीण छ ।

तर, यस्ता गम्भीर प्रकृतिका गलत अपराधमा संलग्न भई विवादित रहेका व्यक्तिलाई मिटरब्याजविरुद्धको संघर्ष समितिमा स्थान दिइएपछि यसको आलोचना भइरहेको छ ।

संघर्ष समिति नेतृत्वले विचार नपुर्‍याएर यस्ता व्यक्तिलाई समितिमा राख्दा नैतिकताको प्रश्न खडा गरेको मिटरब्याज पीडितहरू बताउँछन् । ‘यो सामन्तवाद, अन्याय र अत्याचारविरुद्धको लडाई हो,’ एक मिटरब्याज पीडितले भने, ‘अदालतले नै भ्रष्टाचारी ठहर गरेका व्यक्ति हाम्रो नेता हुन सक्दैन ।’

यस्तो लापरबाहीले आन्दोलनलाई झन् कमजोर बनाउने भन्दै उनीहरूले यादवलाई यथाशीघ्र कारवाही गर्न माग गरेका छन् ।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]