जनकपुरधाम।पुर्व- पश्चिम महेन्द्र राजमार्ग अन्तर्गत धनुषाको विरेन्द्रबजार र धारापानीकोबीचमा बस पल्टिँदा एक दर्जनभन्दा बढी घाइते भएको प्रहरीले बताए।
मंगलबार बेलुका जनकपुरबाट राजविराज जादै गरेको बस धनुषा गनेशमान चारनाथ नगरपालिकाको विरेन्द्रबजार र धारापानीको विचमा पल्टिँदा एक दर्जन भन्दाबढी जना घाइते भएका हुन् ।
जिला प्रहरी कार्यलय धनुषाका प्रहरी उपरीक्षक शेखर खनालका अनुसार मंगलबार जनकपुरबाट राजविराजको लागि छुटेकाे ना ४ ख ७८९९ नम्बरको बस पल्टिँदा ११ जनाको अवस्था सामान्य रहेको छ भने ४ जनाको अवस्था मध्यम खालको रहेको उनले बताए। घाइते भएका सबै जनाको स्थानीय अस्पतालमा उपचार भइरहेको खनालले जानकारी दिएका छन।
