सिरहा ,१५ भदौ । जनमत पार्टीले मिर्चैया नगरपालिकाको नगर कार्यसमितिको अध्यक्षको जिम्मेवारी अंजय कुमार साहलाई जिम्मेवारी दिएको छ ।
जनमतले शुक्रबार साहलाई नगर अध्यक्षको जिम्मेवारी दिएको हो । साना शहरी खानेपानी तथा सरसफाइ उपभोक्ता संस्था मिर्चैयाका निर्वाचित अध्यक्षसमेत रहेका साह युवा नेताका रूपमा चर्चित र स्थापित छन् ।
नगर नेतृत्वको जिम्मेवारी पाएपछि साहले पार्टी अध्यक्ष डा. सिके राउत र सिंगो पार्टीप्रति आभार व्यक्त गरेका छन् । उनले पार्टीले दिएको जिम्मेवार इमानदारीपूर्वक निर्वहन गर्ने प्रतिवद्धता पनि जनाए ।
यस्तै, नगरको महिला उपाध्यक्षको जिम्मेवारी अमिता यादव र पुरुष उपाध्यक्षको जिम्मेवारी सुनिल साहलाई दिइएको जनमत पार्टीले जनाएको छ ।
यसैगरी, सचिवको जिम्मेवारी लक्षमण मण्डल, सहसचिवको जिम्मेवारी जयप्रकाश साह (मोहन) र कोषाध्यक्षको जिम्मेवारी जय कुमारी महरालाई दिइएको छ ।
