रौतहट। जिल्ला प्रहरी कार्यालय रौतहटले सिमा नाकाहरुबाट चोरी हुने कुखुराको चल्ला नष्ट गरेको छ । भन्सार छली चोरी तस्करी गर्ने कार्यलाई नियन्त्रण गर्ने अभियान अन्तर्गत शुक्रबार रातिको अबैध कुखुराको चल्ला नियन्त्रणमा लिई नष्ट गरेको हो ।
जिल्ला प्रहरी कार्यालय रौतहटबाट खटि गएको Crime Investigation Team (CIT) टोलीले गस्ती गर्दै जाने क्रममा रौतहटको राजदेबी नगरपालीका वडा नं. ८ स्थित बेलबिछुवा गाउँ नजिक पुग्दा भारतबाट अबैध रुपमा भन्सार छली चोरी पैठारी गरी नेपाल तर्फ भित्र्याउँदै गरेको अवश्थामा फेला परेका थिए ।
प्रहरी गस्ती टोली लाई देख्ना साथ उक्त कुखुराको चल्लाहरु राखेको ३४ वटा काटुनहरु बाटोमा फाली छाडी भारत तर्फ भागी फरार रहेकोले बेवारीसे अवश्थामा फेला पारेको कुखुराको चल्ला नियन्त्रणमा लियो । मुल्य तिन लाख चालीस हजार बराबरको कुखुराको चल्ला बिहानको समयमा स्थानिय पत्रकार,जिल्ला पशु कोरेन्टाईम रौतहटको प्रतिनिधि एवं स्थानिय भद्र भलादमीहरुको उपस्थितिमा गौर नगरपालिका वडा नं. ४ स्थित लालबकैया नदी खोलाको बगरमा खाल्टो खनी नष्ट गरीएको प्रहरीले जनाएको छ ।
