सिराहा, दिपेन्द्र यादव: सिराहाको बढियारपट्टि गाउँपालिका वडा नम्बर ४ सोपुरस्थित श्री बराकी आधारभूत विद्यालयमा ९ कोठे भवन जनमत पार्टीकी प्रतिनिधि सभा सांसद माननीय विनिता कुमारी सिंह ज्यूद्वारा शिलानास भएको छ।
सहरी विकास मन्त्रालयको सहरी विकास तथा भवन निर्माण विभाग अन्तरगत सघन सहरी भवन निर्माण आयोजना सप्तरीबाट सञ्चालन हुने उक्त आयोजना करिब ५२ लाखमा टेन्डर लागेको हो । मा जानकी कन्ट्रक्सन एण्ड सप्लायर्स मिथिला बिहारी नगरपालिका धनुषाले २०८२/३/१५ मा सम्पन्न गर्ने गरी सम्झौता भएको हो।
उक्त विद्यालयमा डेक्सबेन्च लगायत भौतिक संरचनाको अभाव रहँदै आएकोमा निर्माण हुन लागेको भवन निर्माण सम्पन्न भइसकेपछि भौतिक संरचनाको अभाव मेटिने र शैक्षिक वातावरण सहज हुने विद्यालयका प्रधानाध्यापक बताउँछन्।
शिलान्यास कार्यक्रममा गाउँपालिका अध्यक्ष सन्तोष महतो , उपाध्यक्ष ममता कुमारी यादव ,वडा अध्यक्ष नवीन यादव , लगायत समाजसेवी भरभलादमीहरूको उपस्थिति रहेको थियो। गत आ.ब.मा उक्त विद्यालयमा जनमत पार्टीबाटै निर्वाचित प्रदेश सांसद तथा पूर्व राज्यमन्त्री माननीय संजयकुमार यादवको संसदीय विकास कोषबाट बाउन्ड्री वाल समेत निर्माण भएको छ।
