सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो।
मधेस प्रदेश सरकारको उद्योग , बाणिज्य तथा पर्यटन मन्त्रालय अन्तर्गत पर्यटन विकास कार्यालय लहान सिरहाबाट सञ्चालन हुने उक्त योजनाको लागि सांसद यादवको पहलमा कृष्ण मन्दिर तथा भवन निर्माणका लागि ४५ लाख रुपैया विनियोजन भएको छ। उपभोक्ता समिति मार्फत सञ्चालन हुने उक्त आयोजनाको लागि उपभोक्ता समिति गठन भइसकेको र कार्यालयसँग सम्झौता भई कार्य आदेश पाए लगत्तै काम शुरू गर्ने उपभोक्ता समिति अध्यक्ष कमलदेव रायले बताउनुभयो।
अहिलेको बदलिदो परिवेशमा युवाहरू कुलतमान फस्दै गइरहेको अवस्थामा उनीहरुलाई कुलतबाट बचाउन धार्मिक अनुष्ठानसँग जोडेर जनचेतना जगाउने उद्देश्यले यो मन्दिर निर्माण गर्न लागेको र निकट भविष्यमा यसलाई थप विस्तार गर्दै गौशाला निर्माण गर्ने आफूहरूको योजना रहेको स्थानीय सुरेन्द्र यादवको भनाइ रहेको छ।
यहाँ नजिकै त्रिशुला नदी रहेको र त्रिशुला नदीको क्षेत्रसमेत अत्यधिक रहेको तथा उक्त नदीमा हरेक दिन पानी रहने गरेकोले नदीको डिलमा शमशान घाट निर्माण गर्ने आफ्ना चाहना रहेको प्रदेश सांसद यादवले बताउनुभयो। मानव जीवनको एक चौथाइ भाग आध्यात्मिक हुन्छ। अध्यात्मले मानव जीवनलाई सही दिशा निर्देश गर्ने गर्छ। मानव जीवनमा अध्यात्मको बडो महत्त्व हुन्छ।
शिलानास कार्यक्रममा बरीयारपट्टी गाउँपालिकाका अध्यक्ष सन्तोष महतो , वडा प्रतिनिधि, समाजसेवी, बुद्धिजीवी, युवा, विभिन्न पार्टीका पार्टी प्रतिनिधि लगायत समुदायका व्यक्तिहरू उपस्थिति रहेको थियो।
