राजबिराज । सप्तरीको विभिन्न स्थानबाट अबैध गाजा बोट फडानी गरेको प्रहरी कार्यालयले जनाएको छ । बुधबारका दिन सप्तरीको राजबिराज नगरपालिका ११ र सुरुङ्गा नगरपालिका ४ बाट अबैध गाजा फडानी गरि नष्ट गरेको हो ।
सप्तरीको सुरुङ्गा नगरपालिका वडा नं.४ मधुपट्टि स्थित गोप्य सुचनाको आधारमा ईलाका प्रहरी कार्यालय कडरबोनाबाट प्र.स.नि.गुद्दर प्रसाद यादवको कमाण्डमा ७ जनाको प्रहरी टोलिले खेतमा लुकाई छिपाई लगाएको अबैध गाजाँ ६० बोट फडानि गरीएको छ । त्यसैगरी उक्त ठाउँमा ६ घरधुरी बाट अवैध रुपमा घरेलु मदिरा बनाउने कच्चा पदार्थ अन्दाजी २०० लिटर र प्लास्टिकको भाडो १० थान बरामद गरि स्थानिय बासिहरुको रोहबरमा नष्ट गरीएको ईलाका प्रहरी कार्यालय कडरबोनाले जनाएको छ ।
त्यसैगरी सप्तरीको राजबिराज नगरपालीका ११ स्थित झलही फर्छट स्थितमा घर आगनमा लगाएको अन्दाजी ४०/४५ गाँजाको बोट अ.प्र. पोष्ट तितरीगाछीबाट खटीएको प्र.स.नि.को टोलीले फडानी गरी नष्ट गरेको जिल्ला प्रहरी कार्यालय सप्तरीले जनाएको छ ।
