०२ साउन २०८१, बिहिबार
18-07-2024 , Thu
×

एकता नगरे राजपाको अन्त्य हुने अध्यक्ष यादवको चेतावनी

Logo
प्रकाशित शुक्रबार, आश्विन २४, २०७६

राजबिराज। उप–प्रधान एवम् स्वास्थ्य जनसंख्या मन्त्री समेत रहेका समाजवादी पार्टीका अध्यक्ष उपेन्द्र यादवले आफ्नो पार्टीसँग एकता नगरे राष्ट्रिय जनता पार्टी (राजपा) को अन्त्य हुने चेतावनी दिएका छन् ।

समाजवादी पार्टी नगर समिति राजबिराजद्वारा बिहिवार राजबिराजमा बडा दसैं, दिपावली, छ्ठ पर्वको अवसर आयोजित शुभकामना आदानप्रदान कार्यक्रमलाई सम्बोधन गर्दै समाजवादी पार्टीका अध्यक्ष उपेन्द्र यादवले यस्तो चेतावनी दिएका हुन ।

अध्यक्ष यादवले राष्ट्रिय जनता पार्टी (राजपा) नेपाललाई आफ्नो पार्टीसँग एकीकरण गर्ने बाहेकको विकल्प नरहेको बताए।‘राजपाले समाजवादी पार्टीसँग एकीकरण गर्नु वाहेकको विकल्प छैन’, यादवले भने, ‘अन्यथा राजपाको अन्त्य सुनिश्चित छ ।’

संविधान संशोधन गरेर मुलुकलाई निकासतर्फ उन्मुख गर्ने वर्तमान सरकारको जिम्मेवारी पनि रहेकोले संशोधनको विषयलाई गम्भिरतापूर्वक लिन उनले आग्रह समेत गर्दै अब पनि सरकारले संशोधनतर्फ अघि नबढे बाध्य भएर आफूहरु संघर्षको बाटोमा लाग्ने चेतावनी दिएका छ्न ।

समाजवादी पार्टीका उपाध्यक्ष रेणु यादवले मधेसी, आदिवासी जनजाति, दलित समुदायको अधिकारका लागि लड्ने पार्टी समाजवादी मात्र रहेको दाबी गरिन । उनले अधिकार सुनिश्चितताको लागि उत्पीडित समुदाय एकजुट हुनुपर्नेमा जोड दिईन । यादवले समाजवादी पार्टी सरकारमा रहे पनि हालसम्म संविधान संशोधन हुन नसकेकोप्रति चिन्ता व्यक्त गरिन् । उनले भनिन् ‘संविधान संशोधन गर्न दुई तिहाईको आवश्यकता थियो, त्यसैले समाजवादी पार्टी सरकारमा गएको हो । तर हालसम्म किन संविधान संशोधन हुन सकेन यसको जवाफ पार्टी अध्यक्ष उपेन्द्र यादवले दिनुपर्छ ।’

सप्तरी क्षेत्र नबर १ का सासद डा. सुर्य नारायण यादवले देशमा भ्रष्टाचार बढेको भन्दै असन्तुष्टि व्यक्त गरे ।उनले देशमा ब्याप्त अराजकता बिरुद्ध लड्दै सुशासन कायम गरि संघीयता बचाउने दाइत्व समाजबादी पार्टीको समेत रहेको उल्लेख गर्दै नेता कार्यकर्तालाई भ्रष्टाचार विरुद्ध अभियान चलाउन आग्रह गरे ।

राजबिराजस्थित श्री राधा कृष्ण मन्दिरको सभाहलमा आयोजित शुभकामना आदानप्रदान कार्यक्रममा समाजवादी पार्टी नगर समिति राजबिराजका अध्यक्ष भिमराज यादव,केन्द्रिय सदस्यहरू कैलाश यादव, उमेश यादव, बिनोद चौधरी, अशोक यादव, केन्द्रिय सल्लाहकार सुमन चौधरी, मधेस प्रदेश समितिका सचिब दिनेश कुमार यादव, मधेस प्रदेश समिति सदस्य एबम सप्तरी जिल्ला ईन्चार्ज सत्य नारायण यादव,सदस्यहरु युसुफ अलि, भिम बहादुर घिसिङ तामाङ, राधेश्याम पंडित, अमृत साफी, प्रेस नेपालका केन्द्रिय सदस्य नवीन नरसिंह नेपाली, समाजवादी बिद्यार्थी युनियनका केन्द्रिय सदस्य तारकेश्वर यादव, समाजवादी महिला संघ सप्तरीका अध्यक्ष मिरा यादव, महिला नेत्री रमिला साह, कलाकार शिवशंकर यादव, पुर्व शिक्षक कर्ण यादव लगायतकाले शुभकामना मन्तव्य व्यक्त गरेका थिए ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]