सिरहा । सडक दुर्घटना बढ्न थालेपछि सिरहाका सडकमा चेकजाँचमा कडाइ गरिएको छ।
जिल्ला ट्राफिक प्रहरी पोष्ट लहानको टोलीले पूर्वका विभिन्न स्थानबाट आउने सवारी साधनलाई पूर्व–पश्चिम राजमार्गअन्तर्गत लहान नगरपालिका–१ सिङ्ग्राहीमा रोकेर सुरक्षा तथा दुर्घटना न्यूनिकरण सम्बन्धि कक्षा संचालन थालिएको हो ।
राजमार्गमा सवारी दुर्घटना बढेकाले विभिन्न चारपाङ्ग्रे सवारी साधन र मोटरसाइकलका चालक समेतलाई रोकी ट्राफिक नियम र दुर्घटना न्यूनीकरण गर्न जनसचेतनामूलक कार्य गरिएको जिल्ला ट्राफिक प्रहरी प्रहरी कार्यालयले जनाएको छ।
पूर्व पश्चिम लोकमार्गमा बिभिन्न सवारी साधनका ४५ जना चालक लगायत १२५ जनालाई सडक सुरक्षा तथा दुर्घटना न्यूनिकरण सम्बन्धि कक्षा संचालन गरिनुको साथै १२५ थान ट्राफिक जनचेतनामुलक पर्चा पम्पलेट विरण गरिएको छ ।
सडक सुरक्षा तथा दुर्घटना न्यूनिकरण सम्बन्धि कक्षा संचालन गरी चालक तथा सहचालकलाई सम्झाइबुझाइ गरी गन्तव्यतर्फ पठाइएको जिल्ला ट्राफिक प्रहरी प्रहरी कार्यालयले जनाएको छ।
