बिरगंज । प्रहरी चौकी ईनर्वा र सशस्त्र प्रहरी बल नेपाल नं.१४ गुल्म हे.क्वा पर्साबाट खटिएको संयुक्त प्रहरी टोलीले लागू औषधिसहित एक युवकलाई पक्राउ गरेको छ ।
पर्साको बीरगंज महानगरपालिका वडा नं.१६ भन्सार मुलगेट अगाडि सडक खण्डमा बिभिन्न सवारी साधन तथा पैदल यात्रुहरु समेतको चेकजाँच गर्ने क्रममा भारतको रक्सौलबाट बीरगंज तर्फ पैदल हिडि आउदै गरेको युवक पक्राउ परेका हुन ।
पक्राउ पर्नेमा पर्साको बीरगंज महानगरपालिका १५ भेडियाही बस्ने मानिचन पासवानको छोरा बर्ष २० को जितेन्द्र पासवान रहेको प्रहरीले जनाएको छ । उनको साथबाट लागु औषध ईन्जेक्सन डाईजेपाम २०० नुर्फिन २०० पिस र फेनारगन २०० पिस फेला परेको थियो ।
लागु औषध सहित उनलाई नियन्त्रणमा लिई आवश्यक अनुसन्धान भइरहेको जिल्ला प्रहरी कार्यालय पर्साले जनाएको छ ।
