जितेन्द्र अक्षत ,सबैला।शिक्षाको स्तरले न्यून र पहुचको चपेटामा समेत कमजोर रहेका दलित छात्रालाइ शिक्षामा स्तर उच्च र शैक्षिक दृष्टिकोणले शिक्षित तुल्याउन प्रदेश सभा सांसदले आर्थिक सहयोग सहित मनोबल उच्च बनाउन बिशेष योगदान पुर्याएको छ।
जिल्लाको धनुषा १ (क) बाट निर्वाचित साविक एमाले तथा हाल नेकपा प्रदेश सभा सांसद किशोरी साह कमलले एक दलित छात्रा राधा कुमारी महरालाई SEE पश्चात् थप उच्च शिक्षा आर्जन हेतु एच. ए. पढ्न ब्यक्तिगत तर्फबाट नगद रु.चालिस हजार सहयोग गरेको हो।
छात्रा राधा महरा २०७५ को SEE परिक्षामा श्री सरस्वती माध्यमिक बिधालय ठिल्ला सवैला बाट दोस्रो उच्च ७७.५ प्रतिशत अंक ल्याइएकि थिइन भने पहिलो अमिस महराले ७८.७५ % सहित उत्तीर्ण भएको थियो।
दशैंको उपलक्ष्यमा मनोकामना युवा क्लबद्वारा आयोजित खुल्ला क्रीकेट टुर्नामेन्टको शनिवार समापन कार्यक्रमको बिच उक्त सहयोग कार्यक्रम समेत गरिएको छ।समापन कार्यक्रममा प्रथम जनकपुर टिम र दोस्रो भारतको उमगाउ टिमलाइ नगद,प्रमाणपत्र र शिल्ड सहित सम्मानित गरिएको छ।
