राजबिराज । मौलिक सिंगिङ रियालिटी शो नेपाल लोकस्टारबाट चम्केका गायक रविराज साहलाई राजबिराजमा भव्य स्वागत तथा सम्मान गरिएको छ ।
मिथिला साहित्य कला प्रतिष्ठानद्वारा लोकस्टार प्रतियोगी रविराज साहलाई सप्तरीको राजबिराजमा शनिबार सम्मानित गरेका हुन ।
राजबिराजको पब्लिक विन्देश्वरी माध्यमिक विद्यालयमा आयोजित कार्यक्रममा उनलाई प्रतिष्ठानको तर्फबाट सम्मान पत्र एवम् गम्छासहित सम्मान गरिएको छ ।
यसैगरी लोकस्टारको टप ६ को फाईनलसम्म पुग्न सफल भएका रविराजलाई सिरहामा उनका शुभचिन्तकहरुले भव्य स्वागत एवं सम्मान गरेका हुन् ।
आफ्नो दमदार गायन कलाले लोकस्टारमा अत्यधिक चर्चा पाएका तथा मधेशको शानको उपमा पाएका रविराजलाई स्वागत गर्दै बधाई र प्रगतिको कामना गरेका छन् ।
