न्यूजमधेश समाचारदाता, विरगंज । पर्साको कालिकमाई गाउँपालिका वाड नम्बर ३ हरिहरपुर विर्तामा आइतबारदेखी प्रथम हरिहरपुर गोल्ड कप फुटबल प्रतियोगिता शुरू भएको छ।
गाउँपालिकाको सहयोगमा बजरंग युवा स्पोर्ट क्लबको आयोजनामा सुरु भएको प्रतियोगिताको उद्धघाटन प्रदेश नम्बर २ का मुख्यमन्त्री लालबाबू राउतले गरेको छ।
प्रतियोगिताको उद्धघाटन गर्न मुख्यमन्त्रीले हरिहरपुर विर्ता स्थित रहेको खेल मैदानको रंगशालाका रूपमा बिकास गर्न प्रतिबद्धता जनाएको छ। मुख्यमन्त्री राउतले भने प्रदेश सरकार रंगशाला बनाउनको लागी सुरुमा २५ लाख बजेट दिन निर्णय गरेका हुन।
खेलको बिकास भयोभने सामाजिक परिवर्तन सम्भव रहेको मुख्यमन्त्री राउतले भने अब ग्रामीण क्षेत्रमा पनि खेलको लागी रंगशाला बनाउन आवश्यक रहेको छ।
वाड अध्यक्ष संजय पटेलको अध्यक्षतामा आयोजित उद्धघाटन समारोहमा प्रदेश सांसद सिंहासन साह कलवार, करीमा बेगम, भीमा यादव, पोखरिया नगरपालिकाकस मेयर दीप नारायण रौनियार, समाजबादी पार्टी पर्साका अध्यक्ष रामनरेश यादव, जिल्ला सचिव तबरेज अहमद, कालिकमाई गांवपालिकाका उपप्रमुख राजेश चौरसिया, कालिकामाई गांवपालिकाका वाड अध्यक्ष पवन तिवारी, हरिओम साह, सोनलाल चौरसिया सहितको उपस्थिती रहेको थिए।
कार्तिक ४ गतेसम्म चल्ने उक्त प्रतियोगितामा पर्सा, बारा, रौतहट, महोतरी र मकवानपुर लगाइत जम्मा ८ ओटा टिमहरु सहभागी हुने आयोजकले बताए।
प्रतियोगितामा प्रथम हुने टिमलाई नगद १ लाख र दोस्रो टिमलाई नगर ५० हजार रुपैया पुरस्कारको व्यवस्था रहेको आयोजक बजरंग युवा क्लबले जानकारी दिएका हुन।
