श्यामसुन्दर यादव,राजविराज। चिकित्सकहरु जिम्मेवार नरहेको भन्दै विरामीका आफन्तहरुले सोमबार राजविराज स्थित गजेन्द्रनारायण सिंह अस्पतालमा प्रदर्शन र तोडफोड गरेका छन् ।

अस्पतालमा विहानदेखि दिउँसो २ बजेसम्म पनि विरामी चेकजाँच गर्न चिकित्सक नआउँदा उनीहरु आक्रोशित बनेका हुन् । आक्रोशित विरामीका आफन्तहरुले प्रदर्शन गर्दै डा. ज्ञानेन्द्र झा र डा.प्राणेश यादवको विरामी जाँच गर्न बस्ने कोठामा रहेको सरसमान तोडफोड गरेका छन् ।

टाढा–टाढादेखि जाँच गराउन आएका विरामीहरु विहानैदेखि प्रतिक्षारत रहेको विषयमा अस्पतालमा प्रशासनलाई जानकारी गराउँदा समेत वेवास्ता गरेकाले बाध्य भएर प्रदर्शन गर्नु परेको उनीहरुको भनाई छ ।
तोडफोडका कारण कोठामा रहेको झ्याल, ढोका, कुर्सी, टेबुल लगायतका सरसमानमा क्षति पुगेको अस्पताल प्रशासनले जनाएको छ । उनीहरुको प्रदर्शनले अस्पताल तनावग्रस्त हुँदा केही बेरसम्म उपचार सेवा समेत प्रभावित भएको थियो ।

सोही क्रममा प्रदर्शन तथा तोडफोडमा संलग्न एक जनालाई प्रहरीले नियन्त्रणमा लिएको छ । राजविराज नगरपालिका–१ का गुञ्जन झालाई अस्पतालमा तोडफोड गर्ने क्रममा नियन्त्रणमा लिइएको जिल्ला प्रहरी कार्यालयले जनाएको छ ।

प्रदर्शन र तोडफोडमा संलग्न अन्य व्यक्तिलाई समेत नियन्त्रणमा लिन खोज्दा अवस्था साम्य भएको हो ।
यता, अस्पताल अस्पतालले भने डा. झा विदामा रहेको तथा अस्पतालमा उपस्थित रहेका डा.यादव सो बखत ईमेरजेन्सिका विरामीलाई जाँच गर्न गएको दावी गरेका छन् ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक /सम्पादक :
कार्यकारी सम्पादक :
सम्पर्क कार्यालय : xxxxxxxxxx
सम्पर्क : xxxxxxxxxxx
ईमेल : xxxx

 

सम्पर्क

चाडै आउदै छ

Copyright © 2018-2019 News Madhesh