राजबिराज । सप्तरीको रुपनी गाउँपालिका र कनचनरुप नगरपालिका १२ स्थित दुर्घटना हुदा एकको मृत्यु भएको छ भने दुई गम्भीर घाइते भएको छ ।
पुर्व पश्चिम राजमार्गअन्तर्गत कंचनरुप नगरपालिका १२ मा भ्यानले मोटरसाइकललाई ठक्कर दिँदा मोटरसाइकल चालक गम्भीर घाइते भएको छ । भ्यानको ठक्करबाट बा १४ प ५०२९ नम्बरको मोटरसाइकल चालक महदेवा गाउँपालिका २ बस्ने ४५ वर्षीय चन्द्र देव खंग गम्भीर घाइते भएको छ । उनकि श्रीमती पनि घाइते भएका छन् । उनहरुको उपचार स्थानीय र बिराटनगर स्थित अस्पतालमा भईरहेको छ ।
यसैगरी ना ५ ख ६९६ नम्बरको बसले ठक्कर दिदाँ दलित अधिकारकर्मी तथा अभियन्ता अग्नीसाईर कृष्णासवरन गाउँपालिका २ निवासी घुरन विश्वकर्माको मृत्यु भएको छ। पूर्व पश्चिम राजमार्ग अन्तर्गत रुपनी गाउँपालिका स्थित दुर्घटनामा गम्भिर घाइते पश्चात् उपचारको लागि लगिदै गर्दा बाटमै मृत्यु भएको थियो ।
